Jl 3:5 - Chuj San Sebastian Bible

⁵ Ax tic, xeyel'j q'uen plata yet' q'uen oro 'ayin, xeyi'n 'at in ricoal 'a yet'l e diosal.

Chuj San Mateo Bible

⁵ A ex tic, ix eyelq'uej q'uen plata yed' q'uen oro d'ayin, ix eyic'anb'at in b'eyumal d'a e templo.

Jl 3:5 Iomraidhean Croise

A Ch'an̈ Schab'il Libro Yic Yab'ixal Eb' Rey 12:18

Palta ax Joás sreyl Judá, 'ix ya'cn syam sb'a smasnil jun tzo'n̈ ofrenda caw niwn yel'ch ya'jnac eb' smam yicham, atn rey Josafat, rey Joram yet' rey Ocozías, atn eb' sreyl Judá; yet' pax yic ya'jnac, yet' smasnil q'uen oro 'ayx 'ec' 'a yatut Jehová, yet' smasnil tas 'ay 'a yatut. A smasnil jun tzo'n̈ cha, 'ix ya't 'a Hazael sreyl chon̈b' Siria, sec wach' man̈xtzac jaw wul yac' owl yet' Jerusalén cha.

A Ch'an̈ Schab'il Libro Yic Yab'ixal Eb' Rey 16:8

Yuj cha, 'ix yij 'elt Acaz q'uen plata, q'uen oro 'ay 'a yatut Jehová, yet' q'uen 'ay 'a sdespacho, 'ix siyn 'at 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Jeremías 23:7

Tzyaln pax Jehová: A ticnec, a yic tzlocn eb' 'anma in b'i, tzyal eb' 'ixtic: Yojc wal Jehová, atn jun x'i'n 'elt eb' israel 'a Egipto, xchi eb'.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Jeremías 51:11

A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Ez 37:12

Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'.

Dn 11:38

Palta chuc jun dios 'aj 'oj yac' 'emmquilal, atn jun dios 'aj man̈ ya'jnacoc 'ejm sb'a eb' smam yichm 'a pecti', atn jun dios tztan̈wni eb' chon̈b' caw 'ay yip. 'Oj ya'n siylab' 'a jun dios cha, atn q'uen oro, q'uen plata, q'uen q'uen caw wach' yilxi, yet' jun tzo'n̈ tas caw chan̈ stojol.

Abdías 1:17

Palta a pax lum tzaln Sión, caw wic 'oj 'ajcn lu'um. Ata 'oj 'aj cajn eb' yin̈tl Jacob, atn eb' 'oj colchjoc to cani. 'Oj yi'x eb' slum jun 'ejm xo.