Jl 1:2 - Chuj San Sebastian Bible

² 'Ab'c wal jun tzo'n̈ tic ex yichm wincal chon̈ab', yet' e masnil ax cajn ex 'a jun nacion̈ tic. Toc 'ayx 'aj xeyil tas lajn 'icha jun tic. Toc am 'ay 'aj x'ilx junc tas 'icha jun tic yic yec' eb' qui mam quichmec.

Chuj San Mateo Bible

² Ex ichamtac vinac yed' ex masanil cajan ex d'a jun nación tic, ab'ec val juntzan̈ tic. ¿Toc ay b'aj ix eyil tas lajan icha jun tic? Malaj pax b'aj ix uji junoc icha tic ayic ix ec' eb' co mam quicham.

Jl 1:2 Iomraidhean Croise

Job 12:12

A eb' 'ichmtac winac, caw 'ay snab'en eb', yujto niwn xo yab'lilal tzyil eb'.

Job 15:10

An̈ tic on̈, caw 'ayx qui nab'en si'mb'il on̈, yujto a eb' 'ichmtac winc 'aj xquij can qui jelnal tic on̈, a eb' cha, b'ab'l 'ichm winc eb' 'a sat a mam.

Job 21:7

¿Tas laj wal yuj an̈ja pitzn eb' 'anma tu snab'en tic? Caw wal tz'och eb' 'ichm 'anma'il, til wal pax tas 'ay 'a eb'.

Job 8:8

C'anb'j 'ec' ab'i', tas 'e'nc eb' 'anma 'a pecti', tza cuyn jun tzo'n̈ sjelnal eb' 'anma 'e'nc 'a pecti cha.

Salmos 49:1

Tzcham wal eyab'n jun tic ex wit chon̈ab', ex to cajn ex 'a smasnil chon̈b' 'ay 'a yolyib'n̈q'uinl tic;

Is 34:1

Ex chon̈ab', nitzc cot e b'a yic tzex 'ab'xni, ex nacion̈ macljec eyab' tas 'oj alxoc. Yab' cab' pax yolyib'n̈q'uinl tic yet' smasnil tas 'ay 'a 'a.

Is 7:17

Palta 'ay wal jun yailal 'oj ya' cot Jehová 'a eb'n̈ yet' eb' a chon̈b' tic, yet' 'a scal eb' yin̈tl David; a jun cha, mant 'a 'aj tzuj xon jun 'ejmoc yictax yi'n 'el sb'a eb' yic Efraín 'a Judá. (Tzyal 'el'chi, atn yailal 'oj ya'ch win sreyl Asiria.)

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic:

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 5:1

Ex wit israelal, 'ab'c wal in paxti yic cusc'ojlal tzwalcn 'el 'a eyib'an̈:

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Miqueas 3:1

'Ix waln 'ixtic: Ex syajlil chon̈b' Israel, 'ab'c wal jun tzo'n̈ tic: ¿Tom man̈ smojc eyojcan 'el tas tojol?

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Mt 13:9

A jun tzo'n̈ tzeyab' tic, nac wal si'mb'il, xchi 'a eb'.

Mt 24:21

Yujto a jun niwn yailal 'oj jawc 'a jun tiempoal cha, mant 'a 'aj tzyac' 'ixta', yictax sb'on Dios yolyib'n̈q'uinl tic. Cojxn pax jun cha, man̈x 'a tas 'oj yac' 'ixta'.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.