Jl 1:12 - Chuj San Sebastian Bible

¹² Tox xtacj 'el te uva, tox xlajw 'ejm te higo. Xtacj pax 'el te granado, te palma, te manzan, yet' pax smasnil te 'awb'ente'. 'Ixta x'aj slajw 'ejm stzaljc'ojlal eb' 'anma'.

Chuj San Mateo Bible

¹² Toxo ix tacjiel te' uva, ix lajviel te' higo, ix tacjipaxel te' granado, te' palma, te' mansan yed' masanil te' avb'en te'. Icha chi' ix aj slajvi stzalajc'olal eb' anima.

Jl 1:12 Iomraidhean Croise

Salmos 4:7

Ach 'ix ac' in tzaljc'ojlal, yel xo wal niwn yel'ch 'a yib'n̈ yic eb' caw niwn sat yawb'en tzmolo.

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Cantares 4:13

Lajn ach 'icha 'aj 'ay te 'awb'ente granado wan swolni, ax eb' te sat cha, caw wal chi eb' te', 'icha pax 'aj 'awb'il te alheña tznichni,

Is 16:10

A tzaljc'ojlal yet' 'el-l 'aw 'oj sat 'ejmi. Man̈x 'a mach 'oj 'el yaw mto 'oj b'itnoc 'a scal te 'awb'en uva cha, man̈x 'a pax mach 'oj ste'l yal uva 'a ste'lab'. Smasnil 'aw cha, 'oj sat 'ejmi.

Is 24:11

A eb' 'anma', caw tz'oc' eb' 'a yoltc caye, yujto man̈x 'a yal uva. 'Ix lajw 'ejm smasnil tzaljc'ojlal, 'ix 'ochcn cusc'ojlal 'a sat lum lum tic.

Is 24:7

Man̈x 'a yal uva tzlaj b'o'i, xlaj sat 'ejmi, yujto xlaj 'och syab'il te snun uva cha. A eb' 'anma to tzaljc'ojlal yaji, ax ticnec cusc'ojlal xo yaj eb'.

Is 9:3

Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Jeremías 48:3

A eb' 'aj chon̈b' Horonaim, caw 'oj 'el yaw eb': ¡Tic tzon̈ chami, caw tzon̈ lajw 'ejmi! 'oj xchic eb'.

Jeremías 48:33

Man̈x 'a 'aw yic tzaljc'ojlal 'a scal 'awb'ente yic Moab. Man̈x 'a yal uva 'a yet'l 'aj tzmolxi, yujto man̈x 'a mach tzte'n 'el yal uva, man̈x 'a b'it yic tzaljc'ojlal.

Jl 1:10

Caw xjuw 'el yilx smasnil lugar, 'icha to 'aych lum lum tic 'a cusc'ojlal. Xlajw 'ejm 'ixm trigo, xtacj 'el te uva, xtacj pax 'el te olivo.

Jl 1:16

Q'uelnon̈c wal 'ochi, 'ix 'ijx 'ec' tas tzqui c'uxec, 'ix lajw tzaljc'ojlal 'a yatut qui Diosalec.

Jonás 4:7

Ax yic sacb'el 'a junx c'u, xya'n Dios pitzwc chan̈ jun no c'ochol, ax no xc'uxn 'el jun te cha, xtacj 'el te yuj no'.

Hageo 2:19

Ax ticnec, 'oj eyil wal tas 'oj eyaj 'el'ch yet' e munljel 'a eyojltac. Wach'xam man̈x 'a 'ixm trigo molb'il 'a yet'ul, yet' te uva, te granado, yet' te olivo, mantzac yac' te sat, palta wal 'a jun c'u tic, yet' 'a yic 'oj b'ey tiempo, caw 'oj wa' cot yaxilal 'a eyib'an̈, xchi Dios.

Malaquías 3:11

An tzwala, man̈x 'oj in cha lajwc 'el eyawb'en yuj no noc', ma'oj in cha 'ixtxoc sat eyuva yic mantzac 'e'maxi.

Nm 13:23

'Ix c'och eb' 'a lum span̈nil sti a niwn a Escol, ata 'ix sch'in 'elt eb' jun c'ojlab' te uva, ax 'a jun te', ata slocch eb', chawn̈ mach x'i'ni. Xlaj yi'nc pax eb' te granada yet' te higo.