Jeremías 9:8 - Chuj San Sebastian Bible

⁸ A sti eb', lajn wal 'icha junc jul-lab' caw tojln̈ej scham 'anma yu'uj. Cojxn 'es tzlaj 'ec' yal-l eb'. Caw wach' cob' tzyutj eb' ya'lanc stzatzl sc'ojl junc swach'c'ojol, palta ax 'a snab'en eb', wan snan eb' tas tzyutj eb' ya'n telwc junc cha.

Chuj San Mateo Bible

⁸ A tas tz'elta d'a sti' eb' lajan icha jul-lab' jay ye scham anima yuuj. Axon̈ej es tzec' yal eb'. Vach' sc'umlan sb'a eb' yed' eb' yamigo yalani, palta axo d'a spensar eb' van snaani tas ol yutej eb' yac'an chucal d'a eb' yamigo chi'.

Jeremías 9:8 Iomraidhean Croise

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Salmos 12:3

Mamin Jehová satcn 'el jun tzo'n̈ 'anma cha, atn eb' chab'sat yaji, yet' pax eb' niwc winc tzlaj yutc sb'a.

Salmos 120:3

Ex 'a'm 'es, 'in tzeyixtj paxti eb' quit 'anma'il, ¿tas tze na'a? ¿Tom ma'oj yac' Dios junc niwn yailal 'a eyib'an̈?

Salmos 28:3

Man̈ junc tzotj e'n 'ec' in q'uinl yet' eb' maysch'olnil sb'eyb'al. Wach' cob' tzyutj paxtinc sb'a eb', palta ax 'a snab'en eb', cojxn̈ej maysch'olnil nab'il yuj eb'.

Salmos 35:20

Yujto man̈oc junc'ojlal tzsayc' eb'; a yic eb', to tzsay eb' tas tzyutj stzuntzn eb' to tzaljc'ojlal yaj 'a yol schon̈ab'.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Salmos 62:5

Cojn 'a Dios 'aj tz'ilchj junc'ojlal wu'uj, cojn yipc'ojlal yaj wu'uj.

Salmos 64:8

Mun a spaxti eb' chi 'oj 'a'nc telwoc; ax smasnil mach 'oj 'ilnc eb', 'oj b'uchxoc eb' yuj eb'.

Pr 25:18

Toto tzeya'ch e b'a testigoal 'a tas man̈ yelc 'a junc xo quit 'anma'il, lajn wal jun chi 'icha junc te te', junc q'uen espada mto junc jul-lab' caw jay sn̈i'.

Jeremías 5:26

Yujto a 'a jun in chon̈b' cha, 'ay wal eb' 'anma caw tu', tzyac' 'ejm eb' ch'an̈ yal 'a yol sb'e junc 'anma', 'icha tzyac' junc mach tzyalan no ch'ic.

Jeremías 5:9

¿Tom ma'oj wa'ch yailal 'a yib'n̈ eb' yuj jun tzo'n̈ sb'eyb'al cha? A junc chon̈b' 'ixta wal sb'eyb'al, ¿tom ma'oj wac' spac 'a 'icha wal tas smoj schani?

Jeremías 9:3

Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Jeremías 9:5

Tzlaj yixtj paxti sb'a junjn eb', may junc mach yel tas tzyala. Tox xc'ayl eb' ya'n 'es, man̈xtzac stac' sjeln eb' snab'en.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.