Jeremías 9:3 - Chuj San Sebastian Bible

³ Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

Chuj San Mateo Bible

³ Te jelan yesan eb'. Sq'ue val chaan̈ eb' yed' es chi', icha val junoc mach sq'uechaan̈ ste julanel sjul-lab'. Man̈xa jab'oc tas yel tz'alji. Yuj chi' syal Jehová icha tic: Masn̈ej ste chucb'iel eb'. Maxtzac yal sc'ol eb' tzin yaloch sDiosaloc.

Jeremías 9:3 Iomraidhean Croise

Gn 39:16

Smoln can 'ix te spichl win José cha, masnto xjaw win yichmil 'ix 'a yatut cha.

Pr 12:5

A eb' 'anma wach' snab'en, cojn tas wach' an̈j chi tzna eb'; palta matz ca'c 'och yipc qui c'ojl snab'en eb' tu snab'en.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Is 3:5

Ax eb' 'anma', 'oj q'ue b'uynjoc eb' yac' owal, 'oj laj yac' eb' owl yet' eb' cajn 'a stz'ey. Ax eb' quelmtac, 'oj yac' eb' owl yet' eb' 'ichmtac winc to 'ay yel'ch 'a sat eb' 'anma'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Is 9:18

Yujto a maysch'olnil 'a scal 'anma', lajn wal 'icha junc c'ac' tz'ec' 'a tzalan, c'uxn tz'a te q'uix yu'uj, lum waymtac, te niwc te', tzch'umn sb'a yic'l 'a scal tab'.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Jeremías 22:16

Xcolx eb' meb'a yu'uj, yet' eb' tz'ixtx yuj eb' tu snab'en. Yuj cha, caw wach' 'ix 'aj 'el'chi. An Jehová in, an tzwala, to wach' 'ix yutj sb'a, sch'oxn 'eli, to 'ojcab'iln yu'uj.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 5:4

An tic, xin na 'ixtic: Cojn am eb' meb'a', eb' may tas tztac' yu'uj, cojn am eb' 'ixta tzyutj sb'a yuj sman̈ nab'enal, yujto man̈ yojcoc eb' tas tznib'j Jehová sDiosal eb' 'a 'a, yet' tas tzyala.

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Jeremías 6:28

Caw tenmtac eb' smasnil, may snab'en eb', alm peclal eb'. 'Ix pitb' 'el eb', lajn eb' 'icha wal stzatzl q'uen bronce mto q'uen hierro.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Jeremías 9:5

Tzlaj yixtj paxti sb'a junjn eb', may junc mach yel tas tzyala. Tox xc'ayl eb' ya'n 'es, man̈xtzac stac' sjeln eb' snab'en.

Jeremías 9:8

A sti eb', lajn wal 'icha junc jul-lab' caw tojln̈ej scham 'anma yu'uj. Cojxn 'es tzlaj 'ec' yal-l eb'. Caw wach' cob' tzyutj eb' ya'lanc stzatzl sc'ojl junc swach'c'ojol, palta ax 'a snab'en eb', wan snan eb' tas tzyutj eb' ya'n telwc junc cha.

Ez 8:13

'Ix yaln pax 'ayn 'ixtic: 'Ayt wal jun tzo'n̈ xo tas yel xo wal yajb'entac 'oj in ch'ox ela', xchi 'ayin.

Dn 11:27

A wal tas 'ayc' 'a snab'en chawn̈ rey cha, cojn sb'on eb' tu 'a jun jun, a chi tzna eb' sb'oni. 'Oj mol 'em wocn eb' swa 'a junc mexa, ax ya'lan eb' 'es 'a 'a, palta may junc 'a eb' chawn̈ chi 'oj 'el'choc tas tznib'ej, yujto mantzac c'och jun sc'ul alb'il can yuj Dios.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

A Tas Sc'ulejnac Eb' Schecab' Jesús Hechos 24:9

Ax eb' israel ajun yet' winac, 'ix yaln pax eb' 'ixtic: Caw yel tzyal Tértulo tic, xchi eb'.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Ro 3:13

'Icha 'aj mucb'il junc chamnc 'anma', tzjacw paxi caw tu sjab', 'ixta stul jun tzo'n̈ tas tzlaj yal eb'; ton̈j tzlaj yixtc paxti eb' yit 'anma'il. 'Icha svenenoal sti no chan, 'ixta stul jun tzo'n̈ tas tzlaj yal eb'.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Jueces 14:17

Ax 'ix, 'oc'ln̈ej sb'o 'ix 'a yojltac win 'a uque c'ul cha, yic 'aych cob' sq'uin̈ eb'. Palta 'aychn̈ej 'ix smontn win 'a junjn c'u, ax 'a yucl c'u chi b'i'an, 'ix yaln win 'a 'ix tas tzyal 'el'ch jun tzo'n̈ paxti cha. Cojn wal yic xyab'n 'ix tas yaji, 'ix 'at yalnc yab' eb' yit chon̈b' cha.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.