Jeremías 9:2 - Chuj San Sebastian Bible

² ¡Comnoc wal 'ay junc wet'l 'aj wach' in c'och cajn 'a cusltac lu'um, sec najt tzin 'elcn 'a stz'ey eb' wit chon̈b' tic! Yujto 'ix yij 'el sb'a eb' 'a stz'ey Dios, 'ixtm 'anma pax eb'.

Chuj San Mateo Bible

² Comonoc ay junoc b'aj syal vaj d'a tz'inan luum, yic vach' najat tzin b'atcan d'a in chon̈ab' tic. Yujto ix spatiquejel Dios eb', ixtum anima eb'.

Jeremías 9:2 Iomraidhean Croise

Is 59:3

Yujto ax tic, caw wal x'och e mul e miln cham eb' quit 'anma'il. Xlaj 'el schic'l eb' eyu'uj, cojxn maysch'olnil yet' 'es tzlaj eyala'.

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Jeremías 23:10

A wal jun nacion̈ tic, caw b'ut'n yuj eb' tzb'on 'ajmulal, yuj eb' 'anma caw tz'a'n 'ip sb'on maysch'olnil. Tzc'anlb'ej eb' yip smasnil yic tzyixtn eb' yit 'anma'il. Yuj wal cha, 'ix scatb'an can Jehová lum lum tic. Yuj cha, 'ix tacj chan̈ lu'um, 'ix tacj pax 'el te c'ultc tzlo e no noc'.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Jeremías 5:11

An Jehová in, an tzwala to 'ixta 'oj 'ajoc, yujto in yactj can eb' 'aj Israel yet' eb' 'aj Judá, xchi Dios.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Os 4:2

Caw tzniwtj eb' laj sjelnc tas tzyala, tzlaj ya'nc eb' 'es. Tzmilw cham 'anma eb', tz'elc'w eb', cojxn̈ej 'ajmulal tzlaj sb'o eb', tzlaj yixtn eb' yit 'anma'il, jab'jb' scal tzlaj milw 'anma eb'.

Os 5:7

Yujto tenmtac tzeyutj e b'a 'ayin, 'ay eyunnal mitz' 'unn yaji. Yuj cha, a 'a yol stiempoal e q'uin̈ tzeya'ch 'a yic tzpac' 'uj, ata 'oj e satl e masnil yet' e lu'um.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Os 7:4

Cojxn 'ajmulal tzb'o eb' smasnil. A snib'b'en eb' cha, lajn 'icha junc jorna jab' wal tzecx 'och sc'a'l yuj junc b'om pan, ya' sb'a wanto sjaw sti 'ixm harina cha; ax yic tox xjaw sti 'ixim, 'ixta to b'i'an tzwach' ecx 'och wal sc'a'l si'mb'il.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.

Malaquías 2:11

A eb' 'aj Judá, ma'ix syiclj eb' 'aj 'ix yac' sti 'a sat Dios. Caw 'ix ya'ch eb' smul, yel xo wal tu xyutj sb'a eb' 'a Jerusalén yet' 'a smasnil yol yic Israel. Caw xyixtj 'el eb' scajnub' Dios, atn jun caw chamc'ojlb'il yu'uj. A eb' winac, a jun tzo'n̈ eb' 'ix 'ix tzyal sb'a 'a jun tzo'n̈ sdiosal eb' chuc nacion̈al, a eb' 'ix xyij ewin yistziloc.

Malaquías 2:14

Tze c'anb'n 'ixtic: ¿Tas laj yuj matz cha'aj? xe chi. Matz cha'aj, yujto caw a Jehová 'ix 'ilni, to ma'ix eyac' 'el'choc e ti eya'jnac 'a eb' 'ix 'ix eyijnac e b'a yet' 'a yic quelmal, wach'xam a eb' 'ix 'ix cha, eyistzil cob' eb' 'ix, yic eya'n can e ti eyi'n eb' 'ix.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.