Jeremías 9:12 - Chuj San Sebastian Bible

¹² 'Ix waln 'a Jehová 'ixtic: May junc on̈ tznachj 'el cu'uj tas yuj a jun qui chon̈b' tic x'ochcn 'a cusltac lumal. Al 'ayn̈ on̈ tas yuj 'ixta 'ix 'aji, xin chi 'a 'a.

Chuj San Mateo Bible

¹² Ix valan d'a Jehová icha tic: Malaj junoc on̈ snachajel cuuj tas yuj a jun co chon̈ab' tic tz'inan luum ix ajcani. Al d'ayon̈ tas yuj icha chi' ix ajcani, xin chi d'ay.

Jeremías 9:12 Iomraidhean Croise

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Is 42:23

¿Machx wal tze nib'j tze chaj eyab' jun tzo'n̈ tic ex wit chon̈ab'? ¿Machx wal tzchaj e c'ojl eyab'n tas 'oj ujoc?

Jeremías 23:10

A wal jun nacion̈ tic, caw b'ut'n yuj eb' tzb'on 'ajmulal, yuj eb' 'anma caw tz'a'n 'ip sb'on maysch'olnil. Tzc'anlb'ej eb' yip smasnil yic tzyixtn eb' yit 'anma'il. Yuj wal cha, 'ix scatb'an can Jehová lum lum tic. Yuj cha, 'ix tacj chan̈ lu'um, 'ix tacj pax 'el te c'ultc tzlo e no noc'.

Jeremías 23:16

A Jehová tztac' yuj smasnil, a 'ix aln 'ixtic: Ex israel, man̈ e cha eyab' tas tzyal eb' tzyalch sb'a in checb'oc cha, yujto a tas tzya'ch eb' yipc e c'ojol, caw man̈ yeloc. Mun tzpitz chan̈ eb', man̈oc in tzwac' yal eb'.

Jeremías 23:22

Comnoc wal xyojquej 'el eb' tas nab'il wu'uj, toto a in paxti 'ix yal-l eb' 'a eb' in chon̈ab', to 'ixta', tox 'ix yij 'el sb'a am eb' 'a scal smaysch'olnilal, 'ix yactj am eb' sb'on tas tu'.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Jeremías 9:20

Ex 'ix, macljec eyab' spaxti Jehová, 'a'c wal 'och e chicn 'a scuynb'il. Cuyc eb' 'ix eyune yoc' yuj cusc'ojlal, tzeyaln pax 'a eb' e wach'c'ojol, 'o' cab' eb' yuj chaml tzlaj uji.

Ez 14:23

Yujto a yic 'oj eyiln 'och sb'eyb'al eb' cha, ax snachj 'el eyu'uj, chajtlto man̈ nab'an̈ejoc 'ay tas tzwac' jawc 'a yib'n̈ jun chon̈b' cha. An Jehová Yajl in, an tzwala, xchi Dios.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Os 4:10

Yujto in yactj can eb' in chon̈ab' yic xya'n servil jun comn dios tzcuch Baal, wach'xam 'oj cob' wa eb', mto tzway eb' yet' eb' 'ix 'ajmul 'ix 'a yet'l sdiosal cha, palta man̈ yujoc cha ax sniwtj ya'n tas 'awb'il yuj eb'. Ma 'oj q'uib' pax sb'isl eb'.

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Sofonías 3:6

Yuj cha, tzyaln Jehová 'ixtic: Tox xin satl jun tzo'n̈ nacion̈, tox xin mac' 'ejm lan̈chjoc storreal schon̈b' eb' 'a yib'n̈ smuroal. Cusltac xoj xwutj can yol scayeal, man̈x 'a xon 'anma tzb'eyc' ta'. A 'a jun tzo'n̈ chon̈b' cha, man̈x 'a junc 'anma xcan cajn 'a eb'.

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Apoc 1:3

A jun libro tic, 'aycto tzyaln cani tastc 'oj ujoc. A eb' tz'awtni yet' eb' tz'ab'ni, toto tzyiclj eb' tas tzyala, caw wach' yic eb', yujto jab'xoj wal 'oj ujc jun tzo'n̈ tic.