Jeremías 9:11 - Chuj San Sebastian Bible

¹¹ 'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Chuj San Mateo Bible

¹¹ Ix vab' yalan Jehová icha tic: A jun chon̈ab' Jerusalén tic, icha junoc b'ulan̈ q'ueen b'aj cajan noc' nivac oques, icha chi' ol vutejcani. A juntzan̈ chon̈ab' d'a yol yic Judá, ol can tz'inan. Man̈xa junoc anima ol cajnajcan d'ay, xchi Jehová.

Jeremías 9:11 Iomraidhean Croise

Nehemías 4:2

Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Salmos 44:19

Wach'xam 'ixta', palta ach on̈ a'cn 'at 'a scal no noc' 'ay smay, on̈ a macn can pax 'ejm 'a scal q'uic'q'uinl yic chamel.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Is 13:22

Axn̈ej no wax 'oj laj 'el yaw 'a yol scuartel eb' soldado, ax sdespacho eb' niwc yajal, a e no 'ocs 'oj laj cajnoc. Wan sc'och sc'ul satl chon̈b' Babilonia; man̈x niwnoc tiempo 'ayq'ui, xchi Dios.

Is 25:2

'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Is 34:13

Axn̈ej te q'uix 'oj pa' chan̈ 'a sdespacho eb'. A te sac q'uix 'oj pa' chan̈ 'a yol scuartel eb'. Axn̈ej no 'ocs 'oj 'aj cajn ta', yet' no avestruz.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Jeremías 1:15

An Jehová in, an tzwal 'ayach, 'oj wawtc cot smasnil eb' nacion̈ 'ay 'a stojlal norte, ax sjaw jun tzo'n̈ sreyl eb' 'a tic, ax sb'on chan̈ junjn eb' sdespacho 'a sti spuertail chon̈b' Jerusalén tic, 'oj 'och oyn eb' 'a spatquil 'el smuroal jun chon̈b' tic, yet' pax 'a smasnil chon̈b' 'ay 'a yol yic Judá.

Jeremías 10:22

Macljec eyab' wal jun 'ab'x tzjawi. A jun chon̈b' 'ay 'a stojlal norte, caw tzn̈il-li sc'an̈ scoti. A jun chi 'oj jelmtanc 'och chon̈b' Judá 'a cusltac lumal, cojxn̈ej no 'ocs 'oj 'aj cajn ta'.

Jeremías 16:10

A yic 'oj alnc jun tzo'n̈ paxti tic 'a eb' et chon̈ab', 'oj sc'anb'c eb' 'aych 'ixtic: ¿Tas yuj 'oj ya' cot Jehová jun niwquil yailal chi 'a quib'an̈? ¿Tas wal tu xqui b'o'o? ¿Tas qui mul x'och 'a Jehová qui Diosalec? 'oj schic eb'.

Jeremías 25:11

Smasnil jun nacion̈ tic, 'oj lajwc 'ejmi, choc' 'oj 'ajcni. A jun nacion̈ tic, yet' jun tzo'n̈ xo nacion̈ cajn 'a stz'ey, 70 ab'il 'oj 'ochcn eb' 'a yaln̈ schecnb'il win sreyl Babilonia.

Jeremías 25:18

'Ix wac' yuc' eb' 'aj Jerusalén yet' eb' 'ay 'a jun tzo'n̈ chon̈b' 'a yol yic Judá, yet' sreyl eb', yet' pax eb' 'aych yajlil, yic tzlajw 'el eb' yu'uj, yet' yic tzlan̈chj 'ejm can schon̈b' eb'. A eb' 'ix 'iln eb', caw xiw eb' yiln 'och eb', 'ix b'uchwj eb' 'a eb', 'ix catb'tzax eb' yuj eb' 'icha tas wan yuj ticnec.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 26:9

¿tas wal yuj xa te'wtzej a b'a aln 'a sb'i Jehová, chajtlto a jun yatut Dios tic, lajn 'oj 'ajcn 'icha 'ajnc jun scajnub' 'ay 'a Silo? 'Ix aln paxi to 'oj lajwc 'ejm jun chon̈b' tic, man̈x 'a junc 'anma 'oj can cajn 'a 'a, xchi eb'. Smasnil eb' chon̈b' cha, 'ix jaw eb' 'a yatut Dios cha, 'ix 'och oyn̈joc eb' yac' owl wet'oc.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 4:27

'Ix yaln Jehová 'ixtic: Caw 'oj juwc lum lum tic si'mb'il, palta ma'oj in satl lum 'a jun 'ejmn̈ej smasnil.

Jeremías 44:2

A Jehová tztac' yuj smasnil, atn qui Diosalec an̈ israel on̈ec tic, a tzaln 'ixtic: Ax tic eyiljnac wal smasnil yailal wa'jnac cot 'a yib'n̈ Jerusalén, yet' 'a yib'n̈ jun tzo'n̈ chon̈b' 'a yol yic Judá. A ticnec, lan̈chjnac can 'ejm jun tzo'n̈ chon̈b' cha. Man̈x 'a junc mach cajn 'a 'a,

Jeremías 49:33

A chon̈b' Hazor, 'oj can 'a cusltacl 'a smasnil tiempo, cojxn̈ej no 'ocs 'oj cajnoc. Man̈x 'a xon mach 'oj cajnoc, man̈x 'a pax junc mach 'oj b'eyc'oc ta', xchi Dios.

Jeremías 50:3

A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.

Jeremías 51:37

'Oj q'uecn b'uln chon̈b' Babilonia slan̈chj 'ejmi, cojxn no 'ocs 'oj 'aj cajn ta', man̈x 'a mach 'oj cajnoc. Ax smasnil eb' 'anma', caw 'oj xiw eb' yiln 'ochi, ax sb'uchwj can pax eb' 'a 'a.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Lm 1:4

A jun tzo'n̈ b'e yic Sión, caw wal cusltac yilxi, toc 'ayt mach tzjaw 'ilj q'uin̈. A spuertail chon̈ab', cusltac yilxi. Ax ewin ya'mal 'och qui ti 'a Dios, caw wal tz'oc' eb' si'mb'il. A eb' 'ix cob'stac 'ix tzb'itn 'a yatut Dios caw wal tacn̈c sc'ojl eb' 'ix. A jun chon̈b' tic, caw wal tzyab' syal si'mb'il.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Lm 3:47

A xiwc'ojlal, tas 'ay smay, yailal yet' satl qui chon̈ab', a chi xjaw 'a quib'n̈ o'oj, xqui chiec.

Lv 26:32

'Oj wac' lajwc 'ejm e chon̈b' cha, ax eb' 'ajc'ojl yajch 'ayex, a eb' 'oj wul cajnoc can paxi, 'oj laj sat sc'ojl eb' yiln jun cha.

Miqueas 1:6

Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.

Apoc 18:2

Caw 'ip yaln 'ixtic: —¡Caw 'ix lan̈chj 'ejm chon̈b' Babilonia! Wach'xam niwn yel'chi, palta caw xlan̈chji. 'Ix 'och scajnub'oc junjn c'aj demonio. 'Ix 'och pax soc jun tzo'n̈ no ch'ic caw yajb'entac.