Jeremías 8:6 - Chuj San Sebastian Bible

⁶ 'Ix in maclj wal e paxtini, 'ix wab'ni chajtlto may junc ex tzex paxtin 'a stojlal. May xon junc ex tze na e b'a yuj e mul, yic tzeyaln 'ixtic: ¿Tas wal xin b'o'o? man̈ xe chioc. Caw wal tzeyac' eyip e 'atx can 'a e b'e e masnil, 'icha wal tzyutj no chej ya'n 'ip s'at 'a owal.

Chuj San Mateo Bible

⁶ Ix in maclej val vab'i, palta malaj mach slolon d'a stojolal. Malaj val junoc mach sna sb'a d'a schucal syalani: ¿Tas val ix in c'ulej? man̈ xchioc. Sb'atcan eb' smasanil d'a yol b'e, icha sb'at lemnaj noc' chej d'a oval.

Jeremías 8:6 Iomraidhean Croise

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Job 34:31

Ach tic mamin Job, toc 'ix al 'a Dios 'ixtic: 'Ix 'och wal in mul, ax ticnec man̈x 'oj in b'o'.

Job 34:32

Ch'ox cot in mul matz in na cot cha. Toto 'ay 'aj tu xlaj wutej, ax ticnec, man̈x 'oj in b'o jun 'ejm xo, comnoc xa chi.

Salmos 14:2

A 'a satcha'an̈, ata q'ueln 'emt Jehová 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cujec.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 57:17

Yuj smul eb' israel 'ix ya'chi, yuj cha, in owx 'och 'a eb', xwi'n 'el in b'a 'a stz'ey eb'. Palta 'ix yac' pitb'oc 'el sb'a eb', sb'on eb' tas 'icha tznib'ej.

Is 59:16

Caw wal tzsat sc'ojl yiln tz'aj eb' 'anma yixtxi, yujto man̈x 'a mach wach' scoln eb'. Yuj cha, xya'n 'och sb'a scoln eb' yet' spoder, xya'n ganar scoln 'el eb' 'a stojlal.

Jeremías 23:25

'Ix wab' wal tas 'ix yal jun tzo'n̈ checb' 'a'm 'es cha. Caw tzte'wtzej sb'a eb' yalni, to in paxti tzyal-l eb', tolab' tzin paxtin 'a waychil 'a eb' yala'.

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Ez 18:28

Yujto tzyil cot sb'a to maysch'olnil tas tzb'o'o, yuj cha, 'oj colchjoc can 'eli.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Sofonías 3:7

'Ix in nan 'ixtic: Toq'ue laj 'ay wel'ch 'a sat eb' 'aj Jerusalén tic yic tzwa'n cuenta eb'. To 'ixta', ma'oj in satl yatut eb', may yailal 'oj wa'ch 'a yib'n̈ eb' 'icha yaj in nani, xin chi. Palta ax x'aji, yel xo wal xniwtj sb'on eb' maysch'olnilal.

Hageo 1:5

An tzwal 'ayex, tzam e yil cot e b'a tas wan eyaji.

Hageo 1:7

An tzwal 'ayex: Tzcham wal e nan yuj tas xwal 'ayx tic.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.