Jeremías 8:15 - Chuj San Sebastian Bible

¹⁵ 'Ix qui nib'j cob' on̈ q'ue'ch ricoal, palta may tas wach' x'ajx 'ayon̈. 'Ix qui nib'j cob' tzaljc'ojlal on̈ b'eyc 'a cojltac, palta cojn tas 'ay smay xjaw 'ayn̈ec.

Chuj San Mateo Bible

¹⁵ Ix co na' to vach' ol on̈ elc'ochoc, palta malaj tas vach' ix ac'ji d'ayon̈. A co naani to tzalajc'olal ol on̈ ajoc, palta an̈ej xivc'olal ix javi d'ayon̈.

Jeremías 8:15 Iomraidhean Croise

Job 30:26

Yuj cha, a tzaljc'ojlal xin tan̈wj sjawi, ax x'aji, a in cusc'ojlal xjawi; xin tan̈wj sjaw sacq'uinl 'a wib'an̈, ax x'aji, a q'uic'q'uinl 'ix jawi.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 14:19

Yuj cha, xwaln 'ixtc 'a 'a: Mamin Jehová, ¿tom wal jun 'ejmn̈ej 'ix ejcan 'el eb' 'anma 'aj Judá 'a a c'ojol? ¿Tom 'ix 'a patquilj can 'el chon̈b' Sión? ¿Tas yuj on̈ ac' lajwoc, yic to man̈x 'a wach' tzon̈ 'aj can̈txi? A calni to tzon̈ q'ue'ch yet' tas 'ay 'ayn̈ on̈, palta may tas wach' 'ix qui cha'aj. 'Ix qui na'a, to wach'n̈j 'oj qui b'ey 'a cojltac on̈, palta cojn tas caw 'ay smay xjaw 'ayn̈ on̈.

Jeremías 4:10

'Ix waln 'a 'ixtic: ¡'Ay, Mamin Jehová! ¿tas yuj 'ix extj paxti eb' 'anma 'aj Jerusalén? 'Ix ac' a ti a'n junc'ojlal 'a eb', palta ax ticnec, a q'uen espada tecn 'och 'a spixn eb' o'oj, xin chi 'a 'a.

Jeremías 6:25

¡Man̈x ex 'at munljoc, man̈x ex 'ec' b'eyc'oc 'a yoltc b'e! ¡Yujto a eb' 'ajc'ojl yajch 'ayn̈ec, 'ayx 'ec' eb' yet' syamc'ab' yic owal. 'Ayxn̈ej xiwc'ojlal 'a smasnil lugar! xchi eb' 'anma cha.

Jeremías 8:11

Tzya'lj eb' cob' sb'on yaj syailal eb' in chon̈ab', tzyaln eb', to wach'x yaj smasnil, palta caw may tas wach' yaji.

Ez 7:25

A yic 'oj jawc jun xiwc'ojlal chi 'a yib'n̈ eb', 'oj cob' sayc' eb' junc'ojlal, palta ma'oj 'ilchjoc yuj eb'.

Miqueas 1:12

A eb' cajn 'a chon̈b' Marot, caw tzch'umm 'ec' eb' yuj yab'n syail. Tztan̈wj eb' cob' sc'och colwal, yujto tox xc'och yailal 'a sti chon̈b' Jerusalén yuj Jehová.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.