Jeremías 8:14 - Chuj San Sebastian Bible

¹⁴ Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Chuj San Mateo Bible

¹⁴ Ol yal eb' aj Judá icha tic: ¿Tas yuj tzon̈ can d'a tic? Co molb'ejec co b'a, con̈ b'ateccan d'a chon̈ab' vach' yajoch smuroal. Ata' ol co col co b'a, vach'chom d'a scal oval ol on̈ chamoc. A Jehová co Diosal tzon̈ sataneli, yujto ix och co mul d'ay, ichato ix yac' cuc' a a' ayb'at veneno d'a scal.

Jeremías 8:14 Iomraidhean Croise

A Ch'an̈ Schab'l Libro Samuel 20:6

Yuj cha, 'ix yaln rey David 'a win Abisai 'ixtic: —A win Seba cha, 'oj 'ec' 'a yib'n̈ on̈ yixtnec winac, 'icha on̈ yutj Absalón. Yuj cha, jucb'tzej smasnil ewin in soldado tic et'oc, tzlajw cha, tzach 'at 'a spatquil winac, lemb'il tzc'ub'j 'el sb'a 'a junc chon̈b' 'aych smuroal, ax ya'n ganar s'at 'elc 'ayn̈ec, xchi win rey cha.

Salmos 39:2

Sictac in 'aji, wach'xam junc tas wach' may xon tas xwala. Ax in cusc'ojlal, 'ix wach' niwtj cha'an̈.

Salmos 69:21

'Ix yac' 'ejm eb' veneno 'a scal tas tzin c'uxu, ax yic xtacj in ti', xya'n eb' wuc' vinagre.

Is 47:5

Ach 'icha cob's 'ix, 'emn̈ wocn 'a scal q'uic'q'uinal, yujto man̈x 'oj a b'inax reinail 'a yib'n̈ jun tzo'n̈ xo nacion̈.

Jeremías 14:20

Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Jeremías 23:15

Yuj cha, an Jehová in, tztac' wuj smasnil, an tzwal jun tzo'n̈ paxti tic 'a eb' tzyalch sb'a in checb'oc: A wal tas c'a, a chi 'oj wac' sc'ux eb'. Ax a a 'ayb't veneno 'a scal, a 'oj wac' yuc' eb'. Yujto yujn̈ej eb' tzyalch sb'a in checb'oc 'a Jerusalén, yuj cha, 'ix pucb't maysch'olnilal 'a smasnil jun nacion̈ tic, xchi Dios.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Jeremías 35:11

Palta ax yic xjaw Nabucodonosor sreyl Babilonia wul yac' owl 'a jun qui nacion̈ tic, on̈ cot 'eloc, 'ix qui nani to wach' a 'a Jerusalén tic on̈ jawi, yujto on̈ cot 'elc 'a eb' soldado 'aj Babilonia yet' 'a eb' soldado 'aj Siria. Yuj wal cha, a 'a Jerusalén tic cajn on̈ 'eq'ui, xchi eb'.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Jeremías 9:15

Yuj cha, an ton tic Jehová in, tztac' wuj smasnil, sDiosal in Israel, an tzwal 'ixtic: 'Oj wac' sc'ux eb' tas to caw wal c'a, ax wa'n yuc' eb' a a 'ay't veneno 'a scal.

Lm 3:19

A yic tzin nan cot in cusc'ojlal, yet' yic in can in ch'ocoj; caw wal tzwab' syal si'mb'il.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Am 6:10

Caw niwquil xiwc'ojlal 'oj jawoc. A wal yic 'oj 'ijxoc 'elt sniwnal eb' chamnc chi 'a yol n̈a yuj eb' yican yic tzn̈usx tz'a'oc, 'oj yaln junc chi 'ixtc 'a junc xo mach tz'ec' 'a yol n̈a cha: ¿'Ayt am junc xo mach 'ayc' et'oc? 'oj xchioc. Ax sta'w jun chi 'a 'ixtic: May mach, 'oj xchioc. Yuj cha, ax yaln win b'ab'l chi 'ixtic: Sictac aj 'an, 'ay smay qui b'inan sb'i Jehová, 'oj xchioc.

Habacuc 2:20

Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.

Mt 27:34

Ata xyac' ewin yuc' yal uva caln yaj yet' sc'a no noc', palta a yic 'ix yab'lni ma'ix schaj yuc' 'a ewinac.

Dt 29:18

Comnoc may junc mach 'a qui calc tic, winac mto 'ix, mto eyunnal, mto eyisil, mto junc 'in̈tal eb' quit chon̈b'ec tz'actn can Jehová qui Diosalec, yic tzyaln sb'a 'a sdiosal jun tzo'n̈ xo nacion̈ cha. Comnoc may junc ex lajn ex 'icha junc yib' te tzq'uib' swol, caw c'a sat tzyac'a, tzcham 'anma yu'uj.

Dt 32:32

Caw wal tzalj eb' 'ajc'ojl chi sb'on maysch'olnil 'icha eb' 'aj Sodoma yet' eb' 'aj Gomorra. Ax stzaljc'ojlal eb', lajn̈ wal 'icha junc veneno.