Jeremías 7:7 - Chuj San Sebastian Bible

⁷ Toto 'ixta tzeyutj e b'a', 'oj ex wa'x can cajn 'a sat lum lum tic, atn lum xwac' 'a eb' e mam eyichm 'a jun 'ejmn̈ej.

Chuj San Mateo Bible

⁷ tato icha chi' tze c'ulej, ol ex vac'can cajan d'a jun lum tic, aton lum vac'naccan d'a eb' e mam eyicham d'a juneln̈ej.

Jeremías 7:7 Iomraidhean Croise

2 Cr 33:8

Man̈x 'oj ex wi'l 'a sat lum lum 'ix wac' 'a eb' e mam eyicham, toto tzeyiclj e b'on smasnil tas 'ix wac' e b'o', atn smasnil in ley, in cuynb'il yet' in checnb'il 'ix wac' yal Moisés 'ayex, xchi Dios.

Ex 22:22

Man̈ eyixtc eb' 'ix 'ix chamnc yichmil, yet' pax eb' meb'a 'unn chamnc smam.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Jeremías 25:5

'Ix yal eb' 'ayex, chajtlto tzeyactj can e maysch'olnilal, yet' pax e tu b'eyb'al, sec wach' 'oj eyaj cajn 'a lum lum 'ix yac' Jehová 'a eb' qui mam quicham.

Jeremías 26:13

B'oc e b'eyb'al, yiclum tzeyutj e b'a 'a Jehová qui Diosalec, sec ma'oj ya' cot jun tzo'n̈ yailal xwal-l 'a eyib'n̈ cha.

Jeremías 3:18

A 'a yic jun c'u cha, junxn̈ej 'oj yutc sb'a chon̈b' Judá yet' chon̈b' Israel. Junxn̈ej 'oj eyaj e meltzj cot 'a jun nacion̈ 'ay 'a stojlal norte, ax e jaw cajn 'a lum lum wa'jnac smacloc eb' e mam eyicham.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 4:1

A Jehová tzaln 'ixtic: Toto tze nib'j tzeyactj can maysch'olnilal ex israel, cotn̈ec 'ayin. Toto tzeyij 'el jun tzo'n̈ e diosal caw yajb'entac cha, 'ochn̈ec tza'n wu'uj.

Sofonías 3:7

'Ix in nan 'ixtic: Toq'ue laj 'ay wel'ch 'a sat eb' 'aj Jerusalén tic yic tzwa'n cuenta eb'. To 'ixta', ma'oj in satl yatut eb', may yailal 'oj wa'ch 'a yib'n̈ eb' 'icha yaj in nani, xin chi. Palta ax x'aji, yel xo wal xniwtj sb'on eb' maysch'olnilal.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.