Jeremías 7:4 - Chuj San Sebastian Bible

⁴ Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Chuj San Mateo Bible

⁴ Man̈ eyac'och e pensar d'a eb' tz'esani, eb' tz'alan icha tic: Cojtac val to malaj tas ol on̈ ic'anoc, yujto ayec' scajnub' Jehová d'a tic, aton val stemplo tic, scomon chiej eb'.

Jeremías 7:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Is 48:2

Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 28:15

Xlajw cha, xwaln 'a Hananías 'ixtic: —Ach Hananías, 'ab' wal tas 'oj wala', ach tic, man̈oc Jehová ach checn coti. Caw man̈ yelc tas wan a'n 'och yipc sc'ojl eb' chon̈b' tic.

Jeremías 29:23

'Ixta wal 'oj 'aj sjaw 'a yib'n̈ eb', yujto yel xo tu tas tzb'o eb' 'a yol e chon̈ab'. Tzb'o eb' 'ajmulal yet' yistzil eb' yit wincal. Tzya'n eb' 'es, tzyaln 'el eb' jun tzo'n̈ paxti chi 'a in b'i, palta man̈oc in tzwac' yal-l eb'. An Jehová in, an tzwala, wojc tas yaji, xchi Dios, xin chi 'a jun carta cha.

Jeremías 6:14

'Ixta pax eb' tzb'on yaj syailal eb' in chon̈ab', tzyaln eb' chajtlto wach'x yaj smasnil, tic pax to yel xo caw tu yaji.

Jeremías 7:14

Yuj cha, 'icha wal wutjnac can watut 'a Silo, 'ixta 'oj wutc can pax jun watut 'aj tzin b'inax tic, atn jun wa'jnac can 'a eb' e mam eyicham yet' 'ayex, atn jun cob' tzeya'ch yipc e c'ojl ticnec.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.