Jeremías 7:23 - Chuj San Sebastian Bible

²³ A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Chuj San Mateo Bible

²³ A tas in b'ab'laj alejnac d'a eb' to tzin sc'anab'ajej eb'. Tato icha chi', a in ton tzin och sDiosaloc eb', axo eb' tz'ochcan in chon̈ab'oc. Valannac to sc'anab'ajej eb' icha val tas ix vala', yic vach'n̈ej tz'elc'och eb'.

Jeremías 7:23 Iomraidhean Croise

Job 36:11

Toto tzchaj eb' yab'i', tzya'n 'och sb'a eb' 'a yol sc'ab', caw tzaljc'ojlal 'oj 'ec' eb', a tzyal jantc to sq'uinl eb' tz'ajxi.

Salmos 119:3

atn eb' may jac maysch'olnil tzb'o'o, eb' to tzb'ey wal 'a stojlal.

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 16:32

Xlajw cha, xyaln Moisés 'ixtc 'a eb' israel cha: —'Ix yal Jehová 'ayn 'ixtic: Molc can junc 'echtab' e maná, sec 'oj yil eb' eyin̈tl b'aq'uin̈, yic wach' 'oj yil eb' tas 'ix 'ajx e c'ux 'a cusltac lum tic, yic ex wi'n 'elt 'a Egipto, xchi Dios 'ayin, xchi Moisés.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Jeremías 11:4

Atn jun in trato in b'ojnac yet' eb' e mam eyicham, yic 'ix wi'n 'elt eb' 'a Egipto. A jun nacion̈ cha, lajn yaj 'a eb' 'icha junc jorna 'aj tzn̈usx 'elt q'uen hierro. 'Ix waln 'a eb' 'ixtic: Yicljec 'ayin, b'oc smasnil tas tzwal 'ayex. To 'ixta', 'oj eyoch in chon̈b'oc, an xo, 'oj woch e Diosaloc, xin chi 'a eb'.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 13:11

'Icha wal junc mach tzjaln 'och junc jal-l 'a snan̈al, 'ixta wal xwutj eb' chon̈b' israel, yet' pax eb' 'aj Judá. Caw junn̈j yaj eb' wet'oc, in chon̈b' yaj eb', yic tzyaln 'el eb' chajtlto caw niwn wel'chi, palta ma'ix syiclj eb' tas xwala.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Jeremías 38:20

Yuj cha, xwaln 'ixtc 'a winac: —Mamin rey, ma'oj ajx 'och 'a yol sc'ab' eb'. Yiclj wal spaxti Jehová 'ix wal 'ayach, sec 'ixta 'oj aj a colchji, caw wach' 'oj 'el'chi.

Jeremías 42:6

Wach'xam tzchaj qui c'ojol, mto matz chaj qui c'ojl tas 'oj yutc spacn 'ayach, 'oj qui yiclcn̈ej 'a Jehová qui Diosalec, atn jun 'aj xqui c'an 'ayach, to 'oj a c'anb'c 'a 'a, sec wach' 'oj quelc c'ochi, xchi eb'.

Sofonías 3:2

Ma'ix schaj eb' yab' tas xyal Jehová, ma'ix yal sc'ojl eb' x'ajx cuenta. Ma'ix ya'ch eb' sDiosal yipc sc'ojol, ma'ix yal sc'ojl eb' xya'ch sb'a 'a yol sc'ab'.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Zacarías 7:7

A tas tzwal 'ayx ticnec, atn jun tzo'n̈ in checnb'il wa'jnac yal-l eb' in checb' 'a yic pecti', yic 'ayc' Jerusalén 'a junc'ojlal, yic niwn 'anma 'ayc' 'a 'a, niwn pax chon̈b' oyn 'och 'a 'a, yet' 'a yol smacb'en Neguev, yet' pax 'a lum niwc pan̈an, 'ayn̈j 'anma cajn ta', xchi Dios, xa chi 'a eb', xchi 'ayin.

Ro 16:26

Palta ax ticnec, a tz'a'n 'ojcaxc 'el jun 'ab'x tic atn tas tz'ib'b'il can 'a Ch'an̈ Un̈ yuj eb' schecab'. A Dios 'ayc'n̈ej 'a smasnil tiempo. A tzalni, chajtlto a eb' 'anma 'a junjn chon̈ab', yowlal tzyojquej 'el eb' jun 'ab'x tic, sec 'oj ya'ch eb' sc'ojl 'a 'a, ax syiclni eb'.

2 Co 10:5

A jun tzo'n̈ comn jelnal, caw tzcan 'a yaln̈ cuj on̈. 'Ay pax jun b'an̈jb'ail. Yu'uj, 'ay eb' matz 'ojcan 'el Dios, palta tzann̈j junc b'an̈jb'al cha, tzcan 'a yaln̈ cuj on̈. Ax jun tzo'n̈ comn nab'en, c'uxn tzca'ch 'a yol sc'ab' Cristo on̈, sec yiclum tzyutj sb'a eb' 'ay yic jun tzo'n̈ nab'en cha.

Dt 11:27

'Oj e cha yaxilal, toto 'oj eyiclc jun tzo'n̈ schecnb'il Jehová qui Diosalec cha, atn jun tzo'n̈ wan waln can 'ayx tic.

Dt 13:4

Tza'nex cab'n̈ej yuj qui Diosalec, 'ijec chan̈ sb'i; yicljec smasnil schecnb'il, chajec eyab' tas tzyala, 'ochn̈ec 'emmquilal 'a 'a, sec junxn̈ej tzex can yet'oc.

Dt 13:5

Ax jun tzyalch sb'a schecb'oc Dios, mto waychnum cha, yowlal tzmilx chamoc, yujto a tz'a'n e c'ojloc yic tzeyi'n 'el e nab'en 'a Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal. A jun 'anma cha, tzmilx chamoc, sec tzsatl jun maysch'olnil chi 'a e cal, yujto tznib'j tzex yij 'el 'a sb'eyb'al Jehová 'ix yalcn 'ayex.

Dt 30:2

Toto ax tic yet' eb' eyunnal, eyisil tzex meltzj pax 'a Jehová yet' smasnil e c'ojol yet' 'a smasnil e nab'en, tze b'eylb'an pax jun tzo'n̈ schecnb'il wan waln can 'ayx ticnec,

Dt 30:20

Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

Dt 30:8

Ax xo tic tzex meltzj can pax 'a Jehová, tzeyiclni, tze b'eylb'an smasnil jun tzo'n̈ schecnb'il wan waln can 'ayx tic.

Dt 4:10

Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Dt 6:3

'Ab'tec wal ex wit chon̈ab', caw tze b'eylb'ej jun tzo'n̈ checnb'il tic sec wach' 'oj eyel'chi. 'Oj niwtjoc e b'isul, ax eyoch niwc chon̈b'al 'a sat lum lum caw wach' cha, 'icha yutjnac Jehová qui Diosalec yaln 'a eb' qui mam quichmec.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.