Jeremías 7:15 - Chuj San Sebastian Bible

¹⁵ 'Oj ex in pechcn 'el 'a wojltac 'icha wutjnac eb' eyican, atn eb' yin̈tl can Efraín, xchi Dios, xa chi a eb'.

Chuj San Mateo Bible

¹⁵ Ol ex vic'canel d'a vichan̈, icha val ix aj vic'anel eb' eyetchon̈ab' d'a vichan̈ d'a yalan̈taxo, aton eb' yin̈tilal Efraín, xchi Jehová, xa chi d'a eb'.

Jeremías 7:15 Iomraidhean Croise

A Ch'an̈ Schab'il Libro Yic Yab'ixal Eb' Rey 17:23

Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

2 Cr 15:9

Xlajw cha, 'ix ya'n syam sb'a smasnil eb' yic Judá, eb' yic Benjamín, yet' jun tzo'n̈ xo eb' cotnc 'a yol yic Efraín, 'a yol yic Manasés, 'a yol yic Simeón, eb' to jawnc cajn 'a scal eb', yujto niwn eb' israel 'ix 'e't yet' Asa, yujto 'ix yil eb' to 'aych Jehová sDiosal yet'oc.

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Is 7:16

A 'a yic mantzac 'och snab'en jun 'unn cha, a chawn̈ rey yet' chab' chon̈b' 'aj wan a xiw tic, 'oj can eb' 'a sictaquil.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 23:33

'Ix yaln Jehová 'ayn 'ixtic: Ach Jeremías, toto 'ay junc 'anma 'a jun chon̈b' tic, mto junc tzyalch sb'a in checb'oc, mto junc ya'mal 'och sti eb' 'ayin, tzc'anb'n 'aych 'ixtic: ¿Tas wal tzyal schecnb'il Jehová? toto xchi eb'. Ach xo tzal 'ixtc 'a 'a: Ach tic, lajn ach 'icha junc 'ictz 'a Jehová, yuj cha, 'oj ach ya'cn 'ejmi, xa chi 'a 'a.

Jeremías 23:39

Yuj cha, 'oj wa'cn sat in c'ojl 'ayex, yet' 'a jun chon̈b' 'ix wac' 'ayex, yet' 'a eb' e mam eyicham. Caw najt 'aj 'oj 'at ex in julcn 'eli.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Jeremías 9:19

A 'a chon̈b' Sión, caw tz'ab'x yoch 'oc'l yuj cusc'ojlal, yal cab' eb' 'ixtic: Caw wal 'oltacn̈ec, tox on̈ lajwec 'eli, caw wal tzcab'c syal q'uixwc'ojlal. A ticnec yowlal 'oj cactquec can jun qui chon̈b'ec tic, yujto tox 'ix lajw slan̈chj 'ejm catutec, xchi cab' eb' tz'oc' cha, xchi Jehová.

Ez 23:31

A sb'eyb'al 'ix a nul'j chi 'ix e'aj, yuj cha, 'icha to junn̈j vaso 'oj wac' eyu'lab'oc, tzyal 'el'chi to 'oj wa'ch a yailal, 'icha 'ix wutj wa'n 'och syailal 'ix a nul'j cha.

Ez 33:25

Yuj cha, al 'a eb' to an Jehová in, an tzwal 'ixtic: Ax tic tze chi no chib'j yet' schiq'uil, tzeyi'n 'ejm e b'a 'a jun tzo'n̈ yechl comn dios, tze miln cham eb' 'anma', tzcob' e nib'n eyico'oc lum lum cha.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Os 7:13

'Oltac wal eb', yujto in yactj can eb'. 'Oj yamchjoc eb' yuj owl 'oj jawc 'a yib'an̈, yujto x'och stenmtacl eb' 'ayin. Tzin nib'j in col eb', palta cojn 'es tzyac' eb' 'ayin.

Os 9:13

A yic xwiln eb' 'aj chon̈b' Efraín, lajn wal eb' 'icha junc te palma 'awb'il 'a junc lum lum caw wach'. Palta ax ticnec, 'oj yic' 'elt eb' yunnal milxoc, xchi Dios 'ayin.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Jonás 2:4

A 'ix wutj walni, tox in a julcn 'el 'a ojltac 'a jun 'ejmn̈ej, a xin na'a, to man̈x 'oj wil atut to ec yaji.

Nm 1:32

'A eb' yin̈tl José yuj Efraín 'ay 40,500; 'a eb' yic Manasés 'ay 32,200.