Jeremías 6:6 - Chuj San Sebastian Bible

⁶ A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Chuj San Mateo Bible

⁶ A Jehová Yajal d'a Smasanil tz'alan icha tic: Ch'aquequel te te', tze b'oanq'ue e tec'nub' yic tzex och eyac' oval d'a Jerusalén. Ol vac'och yaelal d'a yib'an̈ jun chon̈ab'il anima chi', yujto axon̈ej ixtoj anima syac' eb'.

Jeremías 6:6 Iomraidhean Croise

Is 37:33

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtoc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 32:31

A eb' 'anma 'a jun chon̈b' tic, yictax yel yich sb'on 'ejm sb'a eb' 'a 'a, masnto 'a yic jun c'ul tic, may tas wach' sb'o eb', cojn wal stzuntzn cot eb' yowl in c'ojol. Yuj wal cha, caw 'oj in satl eb'.

Jeremías 33:4

An Jehová in, e Diosal in, 'ay wal jun in paxti tzwalcn 'a yib'n̈ yatut eb' 'aj Jerusalén, yet' 'a yatut eb' sreyl Judá, atn jun tzo'n̈ wan sma'x lan̈chjoc yic tzc'anx sq'uenal 'a jun tzo'n̈ oln 'a smuroal chon̈ab', yic wach' matz 'och eb' caldeo wan ya'n owl eyet'oc.

Jeremías 39:1

A 'a yic slajn̈il 'uj, yic sb'aln̈il ab'il yoch Sedequías reyl 'a Judá, ata 'ix jaw Nabucodonosor sreyl Babilonia yet' eb' soldado 'a Jerusalén, 'ix 'och oyn eb' 'a 'a.

Jeremías 5:29

¿Tom ma'oj wac' syailal eb' yuj jun tzo'n̈ tic? An Jehová in, an tzwala, to 'oj wac' spac yic eb' 'anma tzb'on 'icha jun tzo'n̈ tic.

Jeremías 5:9

¿Tom ma'oj wa'ch yailal 'a yib'n̈ eb' yuj jun tzo'n̈ sb'eyb'al cha? A junc chon̈b' 'ixta wal sb'eyb'al, ¿tom ma'oj wac' spac 'a 'icha wal tas smoj schani?

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Ez 5:5

An Jehová Yajl in 'a smasnil, an tzwal jun tic: A tas tzch'ox jun tic, atn chon̈b' Jerusalén, an 'ix wac' 'ejm jun chon̈b' chi 'a scal jun tzo'n̈ xo nacion̈.

Dn 11:15

Ax sjaw jun rey 'ay 'a norte cha, 'oj 'och oyn eb' soldado 'a spatquil jun chon̈b' caw cob' 'ay yip cha. 'Oj 'em jun chon̈b' chi yuj eb'. Ax eb' soldado caw cob' jeln 'ay 'a sur cha, man̈x 'oj stac' ste'wtzan sb'a eb' 'a yojltac eb' 'ajc'ojl cha.

Sofonías 3:1

'Oltac wal eb' 'aj Jerusalén, yujto caw wal tenmtac eb', man̈ wach'c eb', 'ixtm 'anma pax eb'.

Lc 19:43

Yuj cha, 'ay wal jun tiempoal 'oj jawoc, ax eb' 'ajc'ojl yajch 'a jun chon̈b' tic, 'oj yoych eb' scol-lal. Ax yoch oyn eb' yac' owl yet'oc.