Jeremías 6:5 - Chuj San Sebastian Bible

⁵ Ax ticnec jun, at 'a 'ac'wl tzon̈ 'ochc ca'c owl yet'oc, tzqui ma'c lan̈chjoc jun tzo'n̈ sniwc torre eb', 'oj xchic eb'.

Chuj San Mateo Bible

⁵ yuj chi' d'ac'valil ol on̈ ochec cac' oval yed'oc. Ol co mac'anem lan̈naj yed'tal eb' soldado stan̈van chon̈ab', xchi eb'.

Jeremías 6:5 Iomraidhean Croise

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

Salmos 48:3

'Ayc' Dios 'a yol sdespacho, 'ix yac' 'ojcaxc 'eli to cojn 'aj wach' qui colnec qui b'a.

Is 32:14

Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Jeremías 52:7

a eb' soldado 'aj Babilonia, 'ix yoln eb' jun oln 'a smuroal chon̈b' Jerusalén cha. Yuj cha, ax 'a 'ac'wal, 'ix 'el win rey Sedequías chi yet' eb' soldado smasnil wach'xam oyb'il jun chon̈b' chi yuj eb' soldado 'ajc'ojl cha. Ata tojl x'el'ch eb' 'a scal yawb'ente eb' rey, ax ta 'ix 'el'ch eb' 'a jun puerta 'ay 'a snan̈l chab' muro. 'Ixta 'ix 'aj eb' sc'och 'a jun b'e tz'atn̈j 'a span̈nil sti 'a Jordán.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom:

Zacarías 11:1

Jacw cab' b'e 'a Líbano, ax smasnil te c'ute 'ay ta', tz'a cab' te yuj c'ac'.