Jeremías 6:12 - Chuj San Sebastian Bible

¹² A yatut eb', slum eb', yet' yistzil eb', chucx mach 'oj 'ica'anoc. An Jehová in, an tzwala, to 'oj wi' chan̈ in c'ab', ax wa'n 'och syailal eb' 'anma cajn 'a jun chon̈b' tic.

Chuj San Mateo Bible

¹² Masanil spat eb', smunlajel eb', eb' ix yetb'eyum eb', ch'ocxo mach ol ic'ancanoc. Yujto a in val Jehová in svala', ol vic'q'ue in c'ab' vac'an syaelal eb' cajan d'a jun chon̈ab' tic.

Jeremías 6:12 Iomraidhean Croise

1 Cr 21:16

A yic 'ix q'ue q'ueln David, 'ix yilni to 'ayc' jun ángel chi 'a snan̈l satcha'an̈ yet' lum lum tic, yamb'il chan̈ jun espada yu'uj, wan stojlb'tzan 'at 'a Jerusalén. Yuj cha, 'ix 'em n̈ojn yet' eb' yichm wincal chon̈ab', masnto squil 'ejm eb' snan̈l sat 'a sat lu'um, 'aych te pichl n̈achtac sat yic tzch'oxn 'el eb' scusc'ojlal.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:21

'Oj meltzjoc 'och eb' yin̈tl Manasés 'a eb' yic Efraín, ax spacn sb'a eb' yic Efraín chi 'a eb' yic Manasés cha, ax 'oj 'ajoc, 'oj meltzjoc 'och eb' schac'ajil 'a eb' 'aj Judá. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 15:6

An Jehová in, an tzwala, tox in eyactj cani, yel xo wal tzex juw 'eli. Caw in c'unb' c'och ex wa'n niwnc'ojlal, yuj cha, 'oj ex in satli.

Jeremías 21:5

An wal 'oj wac' owl eyet'oc, 'oj in c'anlb'oc wal wip, yet' yowl in c'ojl to 'ay xo smay yalxi.

Jeremías 38:22

Smasnil eb' 'ix 'ix 'oj can to cob' 'a a despacho, yowlal 'oj 'ijxoc 'elt eb' 'ix, ax yajx 'och eb' 'ix 'a yol sc'ab' ewin general yic win sreyl Babilonia, ax yaln eb' 'ix 'ixtic: A eb' caw swach'c'ojl win rey, 'ix yixtj paxti eb' winac, yuj cha, x'ejm winac. 'Icha to 'ix 'actx can 'at win 'a scal b'i'ch yuj eb', 'ix yi'n 'el sb'a eb' 'a stz'ey winac, 'oj schic eb' 'ix.

Jeremías 38:23

Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Lm 2:8

A Jehová, 'ix ya'ch wal 'a snab'en sma'n 'ejm lan̈chjoc smuroal chon̈b' Sión. 'Ix cham wal snani tas tzyutj sma'n 'ejm lan̈chjoc, toxn may 'iljelal yu'uj, masnto 'ix 'el'chi. Junn̈j x'aj yem lan̈njoc jun muro chi yet' jun tzo'n̈ torre.

Lm 3:3

'Aychn̈ej in sma'ni tz'ec' c'u yet' yowl sc'ojol.

Lm 5:11

A wal 'a chon̈b' Sión yet' 'a jun tzo'n̈ xo chon̈b' 'ay 'a Judá, caw tz'ixtx eb' 'ix 'ix yet' pax eb' 'ix cob'stac 'ix yuj ewin winac.

Lm 5:2

Smasnil tas 'ay 'ayn̈ on̈, yol sc'ab' eb' chuc chon̈b'al xo 'aj 'ayq'ui. A catut on̈, yic xo eb' chuc 'anmal yaji.

Lm 5:3

Meb'a 'unn on̈ 'ajcn on̈, man̈x 'a qui mam on̈, ax eb' qui nun on̈, 'ix can eb' sch'ocoj, man̈x 'a yichmil eb'.

Ez 35:3

An Jehová in, an tzwal 'ixtic: Ach chon̈b' Seir, an tzin 'och 'ajc'ojlal 'ayach. 'Oj wa'ch yailal 'a eb'an̈, 'oj a lajw can 'ejmi, ax a can 'a sictaquil.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Sofonías 1:4

'Oj wa'ch syailal eb' 'aj Judá yet' smasnil eb' cajn 'a Jerusalén. Man̈x 'a eb' 'oj yal sb'a 'a jun comn dios tzcuch Baal. 'Oj in satl eb' ya'mal 'och sti eb' 'anma 'a sdiosal cha, man̈x 'a 'aj 'oj b'inaxc eb' 'a jun chon̈b' tic.