Jeremías 6:11 - Chuj San Sebastian Bible

¹¹ Mamin, lajn tzwutj wab'n syal yowl a c'ojl yet' jun chon̈b' tic. Caw man̈xtzac techj in yamn 'och wa'an, xin chi 'a 'a. 'Ix yaln Jehová 'ayn 'ixtic: Sec 'ejm yowl in c'ojl chi 'a yib'n̈ eb' 'unn tzlaj 'ec' 'a yoltc caye, yet' 'a yib'n̈ eb' quelmtac 'aj jun b'uln̈ yaj eb' syamn sb'a. 'Oj 'ijxoc 'at eb' winc yet' yistzil 'a preso, yet' eb' 'ichm 'anma caw 'ayx sq'uinl si'mb'il.

Chuj San Mateo Bible

¹¹ Mamin, scot pax yoval in c'ol ed'oc d'a jun chon̈ab' tic. Maxtzac techaj vuj in yamanoch vaan, xin chi. Ix yalan Jehová d'ayin icha tic: Aq'uem yoval in c'ol chi' d'a yib'an̈ eb' unin tz'ec' d'a yoltac calle yed' d'a yib'an̈ eb' vin̈ quelemtac umaneq'ui. Ol yamchaj eb' vin̈ vinac yed' ix yetb'eyum yed' eb' te icham animaxo.

Jeremías 6:11 Iomraidhean Croise

Is 40:30

An̈jtona eb' quelem, caw wal tzc'unb' eb', tz'el yip eb', 'ixta pax eb' to caw 'ay xon yip, tztelw pax eb'.

Jeremías 15:17

An tic, man̈ junc wec' yet' eb' cojn tzaljc'ojlal tz'ec' sayq'ui. Yuj wal jun wopiso a'jnac, yuj cha, in ch'ocj tzin 'eq'ui, yujto tzwab' syal yuj yowl a c'ojl jun xo.

Jeremías 15:6

An Jehová in, an tzwala, tox in eyactj cani, yel xo wal tzex juw 'eli. Caw in c'unb' c'och ex wa'n niwnc'ojlal, yuj cha, 'oj ex in satli.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Jeremías 5:9

¿Tom ma'oj wa'ch yailal 'a yib'n̈ eb' yuj jun tzo'n̈ sb'eyb'al cha? A junc chon̈b' 'ixta wal sb'eyb'al, ¿tom ma'oj wac' spac 'a 'icha wal tas smoj schani?

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Jeremías 9:20

Ex 'ix, macljec eyab' spaxti Jehová, 'a'c wal 'och e chicn 'a scuynb'il. Cuyc eb' 'ix eyune yoc' yuj cusc'ojlal, tzeyaln pax 'a eb' e wach'c'ojol, 'o' cab' eb' yuj chaml tzlaj uji.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Lm 2:21

A eb' 'unin yet' eb' 'ichmtac 'anma', t'occtac yaj eb' schamcn 'a yol caye. Ax eb' quelmtac winac yet' eb' 'ix cob'stac 'ix, 'ix laj tzu'x cham eb' yet' q'uen espada. A yic sc'ul 'ay cot wal yowl a c'ojl cha, 'ix a mil cham eb' 'anma tic, ma'ix 'o'ch 'a c'ojl 'a eb'.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Ez 3:3

'Ix yaln 'ayn 'ixtic: Ach 'anma', b'uc' 'ejm ch'an̈ un̈ tz'ib'b'il tzwac' 'aych tic, b'ut'j cab' 'el yol 'a c'ojl yu'uj, xchi 'ayin. Xin b'u'n 'ejmi, caw wal xcan schil 'a yol in ti', lajn wal schil 'icha no yal chab'.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Lc 17:34

Tzwal 'ayex, q'uinloc 'ay chawn̈oc mach waync 'a sat sch'at 'a jun 'ac'wl cha, jun 'oj 'ijxoc 'ati, jun 'oj canoc.

A Tas Sc'ulejnac Eb' Schecab' Jesús Hechos 17:16

Ax Pablo, 'ix stan̈wni sc'och Silas yet' Timoteo 'a chon̈b' Atenas. Ata', til wal jun tzo'n̈ tas tzya'ch eb' 'anma sdiosaloc. Yuj cha, caw wal xcus sc'ojl yilni.

A Tas Sc'ulejnac Eb' Schecab' Jesús Hechos 18:5

Ax Silas yet' Timoteo, 'ix 'elx eb' 'a yol yic Macedonia, 'ix c'och eb' 'a Corinto cha. Ax Pablo, 'a smasnil sc'ojol x'ec' yal-l spaxti Dios, man̈x 'a tas 'ix sb'o'o. Caw xya'lj ya'n nachjc 'el yuj eb' israel chajtlto a Jesús, atn Cristo, a tan̈b'il xon sjaw yuj eb'.

A Tas Sc'ulejnac Eb' Schecab' Jesús Hechos 4:20

Yuj cha, toxn matz tac' cactn can caln 'el yab'xil tas xquil on̈, yet' tas xcab' on̈, xchi eb'.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.