Jeremías 51:40 - Chuj San Sebastian Bible

⁴⁰ 'Oj wi't eb' 'aj 'oj milxoc chamoc, 'icha wal tz'aj yijx 'at no quelm calnelu, no mam chiwo, yet' no mam calnelu 'a 'aj tzmilx chamoc, xchi Dios.

Chuj San Mateo Bible

⁴⁰ Ol vic'b'at eb' b'aj ol miljocchamoc, icha tz'aj yic'jib'at noc' yunetac calnel, noc' chiva yed' noc' ch'ac calnel b'aj smilji.

Jeremías 51:40 Iomraidhean Croise

Salmos 37:20

A eb' maysch'olnil sb'eyb'al, 'oj n̈ilchjoc sc'a'l eb' 'icha wal tacn̈ c'ultac. A eb' 'ajc'ojl yajch 'a Jehová, 'oj 'ulb'xoc 'ejm eb' 'icha tzyac' xepual calnelu, 'oj satcn 'ejm eb' 'icha tab'.

Salmos 44:22

Palta oj wali, yuj cha, junjn c'u 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Jeremías 48:15

Wan sc'och jun 'oj 'a'nc lajwc jun tzo'n̈ chon̈b' 'a yol yic Moab, 'oj cham eb' quelmtac caw 'ay yip cajn ta'. A jun tic, tzwal an Rey in tic, Jehová in b'i, tztac' wuj smasnil.

Jeremías 50:27

Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.

Ez 39:18

'Oj schi e no schib'jal eb' soldado, ax yu'n e no schic'l eb' syajlil jun tzo'n̈ chuc chon̈b'al cha, 'icha tzyutj eb' 'anma schin no xajmb'al caw b'aq'uech, no mam calnelu, no quelm calnelu, no chiwo yet' e no quelm wacx yic Basán.