Jeremías 51:16 - Chuj San Sebastian Bible

¹⁶ A tzalni, yuj cha, tzn̈il-li sc'an̈ c'u yic tzcot n̈ab'. A tz'i'n chan̈ 'asn 'a 'aj tzlajw c'och lum lum tic. A tz'a'n 'ec' copljoc raya 'a scal niwc yaxn̈ab', a tzjacn pax 'elt 'ic' 'a 'aj molb'il yu'uj.

Chuj San Mateo Bible

¹⁶ A tz'alani, n̈ilili sc'an̈ c'u syac'an n̈ab'. A tz'ic'anchaan̈ asun b'aj slajvic'och lum luum tic. A tz'ac'anec' copnaj leb'lon d'a scal yaxn̈ab'. A tz'ic'anelta ic' b'aj molb'ab'il yuuj.

Jeremías 51:16 Iomraidhean Croise

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Job 37:13

A yet' jun tzo'n̈ chi tztac' ya'n cot Dios yowl sc'ojol, mto yic tzya'n pax swach'c'ojlal 'a sat lum lum tic.

Job 38:22

¿'Ayxam 'aj ach xit'c 'a 'aj moln q'uen chew wu'uj, yet' 'aj moln q'uen sacb'at?

Job 40:9

¿Tom yel xo wal 'ec'b'al ep 'a wib'n̈ tza na'a? ¿'Icha am sc'an̈ yol in jaj tic, 'ixta am sc'an̈ pax ec cha?

Salmos 104:7

A yic xa tumn a', yajn̈ej x'at a 'eloc, 'icha sc'an̈ c'u, 'ixta xyutj a yab'n yol a jaj, yuj cha, 'ix meltzj a'.

Salmos 135:7

Tzyij cot 'asn 'a 'aj tzlajw c'och lum lum tic, tzyij cot letz'lo'om yic tzya'n n̈ab', tzjacn 'elt 'ic' 'a 'aj 'ay yet'ul.

Salmos 147:18

A tz'a'n 'ulb'xoc q'uen chew cha, tzya'n cot 'ic' sec tzb'ey a a cha.

Salmos 18:13

Ach Jehová caw niwn el'chi, 'ix 'el aw 'icha wal sc'an̈ c'u 'a satcha'an̈, yajn̈ej 'ix cot sacb'at yet' stzac'ac'.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Salmos 78:26

A 'ic' tzcot 'a stojlal 'aj tzq'uel c'u, yet' jun tzcot 'a stojlal sur, a 'ix jaw jommoc 'a satcha'an̈, a Dios x'i'n cot yet' spoder.

Ex 10:13

'Ix ya'n 'at Moisés te sc'occh chi 'a yib'n̈ Egipto cha. Ax Jehová 'ix 'a'n cot jun niwquil 'ic' 'a yib'n̈ smasnil yol yic Egipto, 'ix cot jun 'ic' chi 'a stojlal 'aj tzq'uel c'u; jun c'u jun 'ac'wl 'ix yac' jun niwquil 'ic' cha. Ax yic sacb' 'el 'a junx c'u cha, man̈x yalnb'ilc no c'ulb' xyij cot jun 'ic' cha.

Ex 10:19

Xlajw xoj cha, 'ix ya'n cot Jehová jun niwquil 'ic' 'a stojlal 'aj tz'em c'u, ax 'a yol a Chac Mar, ata 'ix 'atcn no c'ulb' chi yu'uj. Man̈x 'a junc no 'ix can 'a yol yic Egipto cha.

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Ez 10:5

Ax eb' querubín cha, checl sc'an̈ sc'axl eb' chi 'a jun 'amc' 'a sti 'elt yatut Dios, lajn wal sc'an̈ 'icha yol sjaj Dios tztac' yuj smasnil yic tzpaxtini.

Am 9:7

A Jehová chi tzaln 'ixtic: Ex israel, lajn ex 'a in sat 'icha eb' 'aj Etiopía. 'Icha wal wutjnac wi'n cot eb' e mam eyichm 'a Egipto, 'ixta pax xwutj wi'n cot eb' filisteo 'a Creta, yet' eb' arameo 'a Kir, xchi.

Jonás 1:4

Palta ax Jehová x'a'n cot jun niwquil 'ic' caw ow 'a yib'n̈ a mar cha, caw wal 'ijn tzpoj te barco chi yuj jun 'ic' cha.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.