Jeremías 51:11 - Chuj San Sebastian Bible

¹¹ A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Chuj San Mateo Bible

¹¹ A Jehová nab'ilxo yuuj to ol satel Babilonia, yuj chi' a' ix checancot eb' sreyal Media yic tzul satanel eb'. Icha val chi' ix aj spacan sb'a Jehová chi' yuj tas ix utaj stemplo yuj eb'. Tz'alchaj d'a eb' soldado: Lista tzeyutej e jul-lab'. Aq'uecoch e maclab' jul-lab'.

Jeremías 51:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 11:14

Yuj cha, xya'n Jehová pitzwc chan̈ jun 'ajc'ojl 'a Salomón, atn Hadad win yunnal win sreyl Edom.

A Ch'an̈ B'ab'el Libro Yic Yab'ixal Eb' Rey 11:23

An̈jtona', 'ix ya'n Dios snab'enoc win Rezón yunnal Eliada, to tz'och win 'ajc'ojlal 'a Salomón. A win Rezón cha, 'atnc win 'elc 'a win sreyal, win tzcuch Hadad-ezer sreyl chon̈b' Sobá.

1 Cr 5:26

Yuj wal cha, schecn Dios win Pul, atn win tzcuch pax Tiglat-pileser, sreyl chon̈b' Asiria, yic tzyi'n 'at win eb' rubenita, eb' gadita yet' spacl 'in̈tal eb' yic Manasés 'icha presoal 'a chon̈b' Halah, Habor, Hara, yet' 'a jun tzo'n̈ xo chon̈b' 'ay 'a stitc a Gozán. Ata xcann̈j eb'.

2 Cr 36:22

A 'a b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic tzyaln 'el jun ley 'a smasnil yol snacion̈ 'a un̈al, tzyaln jun ley chi 'ixtic:

Esdras 1:1

A 'a yic b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic xya'n tz'ib'xoc jun ley, xya'n alxoc 'el 'ixtc 'a smasnil yol snacion̈:

Is 10:26

A Jehová tztac' yuj smasnil, 'oj ya'ch syailal eb' 'anma cha, 'icha wal yutjnac satn 'el eb' 'aj Madián yic 'ayc' eb' 'a stz'ey q'uen niwquil tenm yic Oreb. 'Oj sch'ox spoder 'a eb' 'aj Asiria cha, 'icha sch'oxjnac yil eb' 'aj Egipto.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 21:5

Tox sb'o' 'ejm eb' te mexa, lista xo yaj 'aj tz'em wocn eb' 'anma swa'i, tzyu'n eb' tas tzyuq'uej, wanto wal cha, 'ix 'och jun 'aw 'ixtic: Q'uen̈ec wan ex syajlil eb' soldado, 'a'c lista e b'a yet' tas tzmacn sat jul-lab', xchi xwab'i.

Is 41:25

'Ix wac' checlj chan̈ jun mach 'a stojlal norte, 'oj wawtc coti, ax scot 'a 'aj tzq'uel c'u, ax yaln sb'a 'ayin. A 'oj te'nc 'ejm eb' syajlil chon̈ab', 'icha wal tz'aj ste'x lum b'iq'uich, 'icha wal tzyutj win tz'acm ste'wtan̈n lum b'i'ch cha, 'ixta 'oj 'ajcn eb' yu'uj.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 46:11

'Ay jun mach tox 'ix wawtj cot 'a stojlal 'aj tzq'uel c'u, caw najt 'oj cot 'icha junc no c'uc'um. A jun cha 'oj wac' sb'o smasnil tas nab'ilx wu'uj. A tas 'ix wala, mto a tas nab'il wu'uj, 'oj wac' 'el'choc.

Jeremías 25:25

'Ix wa'n 'a smasnil eb' rey 'a chon̈b' Zimri, 'a Elam, yet' 'a Media,

Jeremías 46:3

Yal cab' eb' syajlil eb' soldado 'ixtc 'a eb' soldado cha: 'A'c lista eyamc'ab' tzmacn sat jul-lab'. Coyc 'a owal.

Jeremías 46:4

'A'c 'och stz'um e no chej, tzex 'och 'a yib'n̈ e no'. 'A'c q'ue e q'uen xumpilin, jun jit'n̈ tzeyutj e b'a. Ñicc sn̈i e lanza. 'A'c 'och smacl sn̈i e c'ojol, xchi cab' eb' 'a eb' soldado cha.

Jeremías 46:9

Ex 'aj Egipto, 'a'c 'ip e 'at yet' e chej, 'ijec 'at jun tzo'n̈ e caruaje. 'At cab' jun tzo'n̈ eb' soldado 'aj Etiopía eyet'oc, yet' eb' 'aj Libia, yi' cab' eb' syamc'ab' tzmacn sat jul-lab'. 'At cab' pax eb' soldado 'aj Lidia, yujto caw jeln eb' sjulwji.

Jeremías 50:25

'Ix in jac 'elt smasnil in yamc'ab' yic owl 'a yet'l 'aj molb'il wu'uj, yuj sch'oxn 'el yowl in c'ojol, yujto 'ay wal jun in munljel yowlal 'oj 'el'choc 'a schon̈b' eb' 'aj Babilonia.

Jeremías 50:3

A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.

Jeremías 50:45

'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 50:9

Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.

Jeremías 51:12

'Ijec chan̈ e bandera, yic tzex 'at eyac' owl 'a 'aj 'ay smuroal Babilonia, xchi. Wach' cab' tz'ajch oyn eb' soldado 'a 'a, 'och cab' stan̈mal. Jeln cab' tzeyutj e b'a 'a 'ajtil tze c'ub'j 'el e b'a yic tze miln cham eb' soldado tz'elt wul yac' owl eyet'oc, yujto wan sb'on Jehová tas nab'il sb'on 'a yib'n̈ eb' cajn 'a Babilonia.

Jeremías 51:24

An Jehová in, an tzwala: Q'ueln ex wal 'ochi ax wa'n spac 'a Babilonia yet' 'a smasnil eb' cajn 'a 'a 'icha wal smoj schan eb', yuj jantc smaysch'olnilal eb' sb'o 'a Sión.

Jeremías 51:36

Tzyal Jehová 'ixtc 'a eb' 'aj Jerusalén: An 'oj in b'eyc'ojlwi 'a stojlal, an 'oj wac' spac 'a eb' 'ajc'ojl yajch 'ayex. 'Oj wac' tup chan̈ a a tzb'eyi, yet' a spac'b'a 'ay 'a yol yic Babilonia.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Jl 3:10

Sb'o cab' eb' q'uen asaron yespadaoc, ax q'uen jos, sb'o cab' eb' q'uen slanzaoc. A eb' may xon yip, yal cab' eb' to caw wal 'ay yip eb' ticnec.

Jl 3:9

Alc jun tzo'n̈ tic 'ixtc 'a smasnil eb' nacion̈: 'A'c lista e b'a e 'at 'a owal, 'awtjec cot eb' soldado caw 'ay yip. Jaw cab' eb', 'at cab' eb' 'a owal.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Zacarías 14:12

Palta ax jun tzo'n̈ nacion̈ 'oj yac' owl yet' Jerusalén, a Jehová a 'oj 'a'nc 'och syailal eb' si'mb'il. A eb' 'anma cha, 'ayc' eb' wal 'a spitznal ax sc'a schib'jal eb', 'oj c'a yol sat eb' 'a yol sb'aquil yet' yac' eb' 'a yol sti'.

Zacarías 14:2

A 'a yic jun c'ul cha, 'oj yac' Jehová syam sb'a smasnil nacion̈, yic tzya'n eb' owl yet' Jerusalén. Ax yajx ganar yuj eb'. 'Oj 'ijxoc 'elt smasnil tas 'ay 'a yol yatut eb' cajn 'a Jerusalén cha, ax yixtx eb' 'ix 'ix yuj ewin 'ajc'ojl cha. 'Oj 'ijxoc 'at spacloc eb' 'aj chon̈b' chi 'a 'icha presoal. Jaywn̈ xoj eb' 'oj canoc.