Jeremías 51:1 - Chuj San Sebastian Bible

¹ Tzyaln Jehová 'ixtic: 'Oj wa' cot wal junc 'icha niwquil 'ic' caw ow 'a Babilonia yet' 'a eb' cajn ta', 'oj satxoc 'el eb' yu'uj.

Chuj San Mateo Bible

¹ Ix yalan Jehová icha tic: Ol vac'b'at jun nivan ic' d'a Babilonia yed' d'a eb' cajan d'ay, ol satjoquel eb' yuuj.

Jeremías 51:1 Iomraidhean Croise

A Ch'an̈ Schab'il Libro Yic Yab'ixal Eb' Rey 19:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Is 13:13

An Jehová in tztac' wuj smasnil, 'oj in tzicb'tan̈c satcha'an̈, ax lum lu'um, 'oj 'ib'xoc lum 'a yet'l yuj yowl in c'ojol. Caw wal 'oj niwtjoc scot wowl 'a jun c'u cha.

Is 14:14

'Oj in q'ue'ch 'a yib'n̈ q'ue 'asn cha, lajn 'oj waj 'icha jun mach caw niwn yel'chi, xa chi.

Is 21:1

Alb'il can jun tzo'n paxti tic 'ixtc 'a yib'n̈ lum cusltac lum 'ay 'a sti a mar: 'Icha wal junc chacxuxm'ic' tz'ec' 'a lum Neguev, 'ixta 'oj 'aj scot eb' milwjum 'a lum cusltac lu'um, atn 'a lum caw 'ay smay.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Jeremías 23:19

Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.

Jeremías 49:36

'Oj wa' cot owl 'a jun chon̈b' tic, 'icha junc niwquil 'ic' to caw ow, tzanxn̈ej 'aj tzcoti. Tzanxn̈ej 'aj 'oj 'ijxoc 'at eb', man̈x 'a junc nacion̈ 'ajtil ma'oj c'och eb' 'at sc'ub'c 'el sb'a.

Jeremías 50:21

'Ix yaln pax Jehová 'ixtic: An tzex in checa, 'at 'a'c owl 'a yol yic Merataim, yet' 'a smasnil eb' cajn 'a Pecod. Pechc b'eyc'oc eb', milc cham eb', masnto tzsatl eb' smasnil. Yicljec smasnil in checnb'il tic.

Jeremías 50:24

An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.

Jeremías 50:29

Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.

Jeremías 50:33

A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'.

Jeremías 50:9

Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.

Jeremías 51:53

An Jehová in, an tzwala: Wach'xam tzq'ue'ch Babilonia 'a satcha'an̈, chan̈ tzyutj sb'on smuroal, palta 'oj wa'tn̈ej eb' 'ajc'ojl ta', sec tzsatx 'el yuj eb', xchi Dios.

Jeremías 51:60

An Jeremías in, an xin molb'tzej smasnil tas 'ix alxi to 'oj jawc 'a yib'n̈ Babilonia, 'ix in tz'ib'n can 'a jun ch'an̈ u'un̈.

Ez 19:12

Palta 'ix to'x chan̈ te yuj yowl sc'ojl Dios. 'Ix sma'n wecchjoc sb'a te yem 'a sat lu'um. Ax jun 'ic' xcot 'a stojlal 'aj tzq'uel c'u, a 'ix ma'n tacjoc, 'ix pucl te sat. A eb' te sc'ab' cha, 'ix tacj eb' te', xlajw cha, 'ix 'ajx tz'a eb' te'.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

A Tas Sc'ulejnac Eb' Schecab' Jesús Hechos 9:4

Yuj cha, 'ix telw win 'a sat lu'um. 'Ix yab'n win yoch jun paxti'. 'Ix yaln 'ixtc 'a winac: —Saulo, Saulo, ¿tas yuj tzin a pech b'eyc'oc? xchi 'a winac.