Jeremías 5:24 - Chuj San Sebastian Bible

²⁴ Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Chuj San Mateo Bible

²⁴ Max e na jab'oc eyal icha tic: Ayocab' yelc'och Jehová co Diosal d'ayon̈, yujto a tz'ac'ancot n̈ab' d'a stiempoal, syac'anpax elul sat cavb'en d'a stiempoal, man̈ xe chioc.

Jeremías 5:24 Iomraidhean Croise

Gn 8:22

Ya' sb'a 'ayt 'ec' yolyib'n̈q'uinl tic, 'ay tas 'oj 'awxoc, 'oj molb'tzaxc sat 'awb'en; 'ay stiempoal c'ac', 'ay stiempoal si'ic; 'ay n̈ab'lq'uinal, 'ay cuaresma, 'ay c'ual, 'ay pax 'ac'wal, xchi Dios 'a snab'en.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Job 29:23

Caw wal tznib'j eb' yab' tas tzwala, 'icha wal qui nib'n ya'n n̈ab' 'a yic cuaresmail.

Job 38:37

¿Mach wal junc caw jelan, yojtac jantc wal 'asn 'ayc' 'a smasnil? ¿Mach wal junc tztac' yi'n 'elt a a 'a scal 'asn cha, yic tzyac' n̈ab',

Job 5:10

A tz'a'n cot n̈ab' 'a yib'n̈ lum lum tic, sec 'ixta tz'aj yoch yalil smasnil tas 'ay 'a sat lu'um.

Salmos 147:8

A tz'a'n 'och 'asn 'a satcha'an̈, yic tzya'n n̈ab' 'a yib'n̈ lum lum tic. A tz'a'n pac' te c'ultc 'a eb' lum tzalctac.

Salmos 65:9

Ach 'aych 'och eln sat lum lum tic, tza'n cot n̈ab' 'a yib'n̈ lu'um. Tza'n q'uib' tas 'ay 'a sat, yet' a a tz'el yoctac, atn a tz'a'n q'uib' 'ixm trigo. 'Ixta wal tzotj a b'on lum lum ach qui Diosal on̈.

Is 64:7

Toc 'ayt mach xnachj yaln sb'a 'ayach, mto sc'ann a colwal. Yuj am cha, 'ix a c'ub'n 'el a sat 'ayn̈ on̈, on̈ actn can qui ch'ocj on̈, yic tzon̈ satn 'el qui mul chi 'on̈.

Jeremías 10:13

A yic tzchecwji, caw tz'ib'x smasnil a a 'ay 'a satcha'an̈. A 'aj tzlajw c'och sti lum lum tic, caw tzq'ue wan 'asn yuj 'a cha'an̈. Caw tz'ec' raya 'a scal niwc yaxn̈ab' yu'uj, tzjacn pax 'elt 'ic' 'a 'aj molb'il yu'uj.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Jl 2:23

E masnil ax cajn ex 'a Sión, tzaljan̈ec. Tzaljan̈c 'a Jehová qui Diosal, yujto 'oj ya'x cot n̈ab'lq'uinl 'a 'ayn̈ec 'a 'icha stiempoal, atn b'ab'l n̈ab', yet' schab'l n̈ab', 'icha tzyac' xon 'a yaln̈taxi.

Am 4:7

'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Dt 28:12

'Oj sjac wal satchan̈ 'aj 'ay sricoal, ax yem 'a eyib'n̈ 'icha yem n̈ab' 'a yib'n̈ lum lum 'a stiempoal, yic caw wach' tz'aj smasnil e munljel. 'Oj stac' eya'n majnil 'a jun tzo'n̈ xo nacion̈, palta ax xo tic, may tas 'oj e c'an e majnc 'a junc xo mach.

Santiago 5:7

Palta ax xo wu'tac, wanab', 'a'c niwnc'ojlal e tan̈wni, masnto 'oj jawc Cajlilec. 'Iltec eb' munljum, tztan̈wj eb' yel-l smunljel, atn jun sat caw 'ay tz'och yuj eb'. Tz'ec' jun b'ab'l n̈ab', masnto tzlajw 'ec' n̈ab'lq'uinal, palta tzyac' eb' niwnc'ojlal 'a smunljel cha.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.