Jeremías 5:21 - Chuj San Sebastian Bible

²¹ Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Chuj San Mateo Bible

²¹ Ex anima malaj e pensar, ab'ec juntzan̈ tic: Ay yol e sat, palta max yal-laj eyilani. Ay e chiquin, palta max eyab'laj.

Jeremías 5:21 Iomraidhean Croise

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Pr 17:16

¿Tas yuj tzjaw junc may snab'en yet' tumin yuj snib'n sman sjelnal? ¿Tas wal 'oj 'och yu'uj, yujto toxn to may snab'en?

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 43:8

'Ijec cot eb' in chon̈b' 'a tic, 'ay cob' yol sat eb', palta matz uj yiln eb', 'ay cob' schicn eb', palta matz yab' eb'.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Jeremías 5:20

'Ix yaln pax Jehová 'ixtic: Al jun tzo'n̈ tic yab' eb' yin̈tl can Jacob, atn eb' cajn 'a Judá, to an tzwal 'ixtc 'a eb':

Jeremías 5:4

An tic, xin na 'ixtic: Cojn am eb' meb'a', eb' may tas tztac' yu'uj, cojn am eb' 'ixta tzyutj sb'a yuj sman̈ nab'enal, yujto man̈ yojcoc eb' tas tznib'j Jehová sDiosal eb' 'a 'a, yet' tas tzyala.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Jeremías 7:13

An Jehová in, an xwal 'ayx 'a b'ab'el, yet' 'a schalal yuj e b'eyb'al cha, palta ax tic, ma'ix e chaj eyab' tas xwala.

Jeremías 8:7

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Zacarías 7:11

Palta ma'ix yal sc'ojl eb' chon̈b' chi syiclej. Chuc 'aj q'ueln can 'at eb' smasnil, 'icha to chacn̈ xyutj sb'a eb'.

Mr 4:12

sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Mr 8:18

'Ay cob' yol e sat, palta matz eyila; 'ay cob' e chiquin, palta matz eyab'i. ¿Tom matz e na coti?

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

A Tas Sc'ulejnac Eb' Schecab' Jesús Hechos 28:26

'Ixic, 'at al 'a jun tzo'n̈ eb' 'anma chi 'ixtic: 'Oj cob' eyab'n̈j tas tzalxi, palta ma'oj nachjc 'el eyu'uj. 'Oj cob' eyiln̈ej, palta ma'oj eyojcoc 'eli tas jun cha.

Ro 1:20

Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Ro 11:8

Yujto tzyal 'ixtc 'a Ch'an̈ U'un̈: A Dios 'ix wach' 'a'n pitb'oc 'el eb'. Yuj cha, wach'xam tzyil eb' spoder, palta matz nachj 'el yuj eb'. Wach'xam tzyab' eb' spaxti', palta an̈j 'ijnoc matz nachj 'el yuj eb'. An̈jtona', 'ixtan̈ej pax eb' ticnec, xchi 'a Ch'an̈.

Dt 29:3

Testigo ex a jun tzo'n̈ yailal, yet' 'a jun tzo'n̈ tas satjub'tac yilx sch'oxjnac 'a eb' 'anma cha.

Dt 29:4

Palta mantzac yac' Jehová eyojcoc 'eli, mantzac yac' pax nachjoc 'el eyu'uj tas wal tzyal 'el'ch jun tzo'n̈ tic.

Dt 32:6

¿Tom 'ixtc wal tzeyutj eya'n spac 'a Jehová? Ax chon̈b' ex tic, caw may jac e nab'en. ¿Tom man̈oc Jehová e Mam yaji? ¿tom man̈oc ex b'oni? A 'ex b'oni, xya'n e q'uinal.