Jeremías 49:13 - Chuj San Sebastian Bible

¹³ An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Chuj San Mateo Bible

¹³ Yujto a in Jehová in svac' in ti': A chon̈ab' Bosra ol can tz'inan, a eb' anima ol ilanoc ol te xiv eb', ol b'uchjoc yuj eb', ol yac' b'inaj eb' ayic ol scatab'an junoc mach eb'. Axo juntzan̈xo chon̈ab' d'a yol yic Edom chi', ol satpaxel d'a juneln̈ej, xchi Jehová.

Jeremías 49:13 Iomraidhean Croise

Gn 22:16

'Ix yaln 'ixtic: —An Jehová in, an tzwala: Yujto 'ix a yiclj a b'on jun tic, ma'ach xiw a'n jun c'otn̈ onnal tic 'ayin, yuj cha, an tzwac' in ti',

Gn 36:33

A yic xcham win Bela, ax win Jobab x'ochx can yajlil, win yunnal Zera, Bosra sb'i schon̈b' winac.

1 Cr 1:44

A yic 'ix cham Bela, ax Jobab yunnal Zera, 'aj chon̈b' Bosra, a x'ochcn yajlil sjeloc.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Jeremías 18:16

Yuj wal cha, ax yochcn jun e nacion̈ tic 'a cusltac lumal. 'Oj b'uchxoc 'a smasnil tiempo. Smasnil mach 'oj 'ec' 'a 'a, toxn̈ej 'oj syuc eb' sat yuj satjub'tacl yilx 'oj 'ajoc.

Jeremías 19:8

'Oj 'ochcn jun e chon̈b' tic 'a cusltac lumal, ax yochcn b'uchnb'ilal. A eb' 'oj 'ec' 'a tic, 'oj sat sc'ojl eb' yu'uj, caw 'oj xiw eb' yiln 'ochi.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Jeremías 48:24

Queriot, Bosra, yet' smasnil jun tzo'n̈ xo chon̈b' 'ay 'a yol yic Moab, eb' 'ay 'a stz'ey, yet' pax eb' najt yajl 'a stz'ey.

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 51:14

A Jehová tztac' yuj smasnil, tox 'ix yac' sti 'ixtic: 'Oj wac' b'ut'joc 'el yol e nacion̈ tic yuj eb' soldado, 'icha no c'ulub', 'oj ya'l eb' yaw yuj ex ya'n ganar eb', xchi.

Jl 3:19

A chon̈b' Egipto, 'oj lan̈chjoc can 'ejmi, ax Edom, caw cusltac lum 'oj 'ajcni, yujto ya'jnac eb' owl yet' eb' cajn 'a Judá, ata 'elnc schic'l eb' 'anma may smul yuj eb'.

Am 1:12

Yuj cha, 'oj wac' n̈usxoc tz'a chon̈b' Temán, ax jun c'ac' chi 'oj satnc 'el jun tzo'n̈ scuartel eb' 'aj Bosra, xchi.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Abdías 1:18

A eb' yin̈tl Jacob, yet' eb' yic José, a eb' cha, lajn 'oj 'aj eb' 'icha te snich c'ac'. Ax eb' yin̈tl Esaú, lajn 'oj 'aj eb' 'icha te jach'b'en tzlajw stz'a 'ejm yuj te c'ac' cha. An Jehová in, an tzwala, to man̈x 'a junc eb' yin̈tl Esaú 'oj colchjoc can 'eli, xchi Dios.