Jeremías 49:12 - Chuj San Sebastian Bible

¹² 'Ix yaln Jehová 'ixtic: 'Ay eb' man̈ smojc yab'n syail, a ticnec, yowlal 'oj yab' eb' syal yuj yowl in c'ojol, 'icha to 'oj yuc' eb' yal uva jawnc sti'. Ax xo ax tic, ¿tom ma'oj eyab' syal e nani? Yowlal 'oj eyab' syal yuj yowl in c'ojol.

Chuj San Mateo Bible

¹² Ix yalanxi Jehová icha tic: A eb' man̈ smojoc yab'an syail, a ticnaic yovalil ol yab' syail eb' yuj yoval in c'ool, ichato ol yuc' vino eb' te ov. Oc exxom a ex tic, ¿tom man̈ ol eyab' syail e naani? Yovalil ol eyab' syail yuj yoval in c'ool.

Jeremías 49:12 Iomraidhean Croise

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Jeremías 30:11

An Jehová in, an tzwala: 'Aynn̈ej 'ec' eyet'oc, 'oj in satl smasnil jun tzo'n̈ nacion̈ 'aj ex sactzic can 'at wu'uj. Palta ax xo tic, ma'oj ex in satli. Cojn to 'oj ex in b'eyc'ojloc yet' yailal 'a 'icha wal tas smoj e chani. Ma'oj e cann̈j 'ixta', xchi Dios.

Jeremías 46:27

'Ix yaln pax Jehová 'ixtic: Ex Israel, atn ex yin̈tl can Jacob, in checb' eyaji, caw man̈ ex xiwoc, yujto 'oj ex in col 'elt yet' eyunnal 'a jun nacion̈ 'aj ex 'ijx 'at 'icha presoal 'a caw najat. An Jehová in, an tzwala: 'Oj e cajx e lum 'a junc'ojlal, man̈x 'a tas 'oj e na', man̈x 'a junc mach 'oj e xib'tni.

Abdías 1:16

'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.

Mt 20:22

Yuj cha, 'ix yaln 'ixtc 'a ewin schawn̈il: —Palta matz nachj 'el eyu'uj, tas tze c'an 'ayin. ¿'Ojm techjoc eyu'uj yic 'oj eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'. —'Oj techjoc, xchi eb' 'a 'a.