Jeremías 48:9 - Chuj San Sebastian Bible

⁹ 'Icha to 'oj 'och sc'axl eb' 'aj Moab, yic tz'at eb' 'eloc. A wal smasnil eb' chon̈b' 'ay 'a yol smacb'en, caw 'oj lajwc 'ejm eb'. Man̈x 'a junc mach 'oj can cajn 'a 'a, xchi Dios.

Chuj San Mateo Bible

⁹ Ichato ol och sc'axil eb' aj Moab yic sb'at eb' elelal. Masanil chon̈ab' ay d'a yol smacb'en, ol sateloc. Man̈xa mach ol can cajan d'ay, xchi Jehová.

Jeremías 48:9 Iomraidhean Croise

Salmos 11:1

A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.

Salmos 55:6

Tzwaln 'ixtic: Comnoc wal 'ay in c'axl 'icha no parama, to 'ixta', tzin 'at jen̈n̈oc wal jab'oc yic tzin 'ilji.

Is 16:2

Ax eb' 'aj Moab tzc'och scol sb'a 'a sti a niwn a Arnón, lajn 'oj yutc sb'a eb' 'icha no ch'ic tz'at 'elc 'a so'.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Jeremías 46:19

Yuj cha, ax cajnex 'a Egipto tic, 'a'c lista e b'a, yujto 'oj eyijx 'at 'icha presoal. A chon̈b' Menfis, 'oj cancn 'a cusltac lumal, 'oj lan̈chjoc can 'ejmi, man̈x 'a mach 'oj can cajn 'a 'a.

Jeremías 48:28

E masnil ex 'aj Moab, 'actjec can e chon̈ab', 'ixquec cajn 'a satcq'ue'en, 'icha no 'uch, a 'a sat q'uen chi tzb'o no so'.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.