Jeremías 48:11 - Chuj San Sebastian Bible

¹¹ Junc'ojlaln̈ej yaj Moab, may 'aj x'ijx 'at 'icha presoal. 'Icha yal uva tz'ajx can 'ejm 'a yol junc yet'ul, matz jelx 'a yet'ul, yuj cha, may tz'aj sb'o sjab', an̈jan̈ej yaji, 'ixta wal yaj Moab.

Chuj San Mateo Bible

¹¹ A eb' aj Moab junc'olaln̈ej yaj eb', malaj b'aj tz'ic'jib'at eb' d'a ch'oc nacional. Icha vino ton̈ej tan̈anemi, max q'uexchaj yed'tal, yuj chi' max q'uexvi sjab', max satel svach'il yuc'ji, icha chi' yaj eb'.

Jeremías 48:11 Iomraidhean Croise

Salmos 123:4

Caw wal tzcab' syal on̈ sb'uchn eb' rico 'a chuc chon̈b'al on̈, ax eb' b'an̈quintac, tzon̈ laj stzetzj eb' on̈.

Salmos 55:19

A Dios Yajl 'a jun 'ejmn̈ej, 'oj yab' tas 'oj wala', ax 'oj 'i'nc 'ejm eb' 'ajc'ojl cha, yujto matz jel eb' sb'eyb'al, matz xiw pax eb' 'a Dios.

Pr 1:32

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Is 16:6

Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

Is 24:3

'Oj cancn jitn lum lum tic, yujto 'oj 'ijxoc 'at smasnil tas 'ay 'a lu'um, xchi.

Is 25:6

A Jehová tztac' yuj smasnil, a 'a tzaln Sión ata 'oj sb'o jun niwn wa'el. 'Oj yac' wa smasnil eb' nacion̈ ta', a jun schib'l wal cha, caw wal wach', ax ya'n yuc' eb' yal uva jawnac sti', atn jun yal uva to caw wach' yaj sb'o'i.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 48:12

Tzyaln Jehová 'ixtic: An tzwala, to 'oj jawc jun c'u yic 'oj in checnc 'at jun tzo'n̈ winac, ax yijx 'at eb' 'aj Moab yuj eb' 'a junc xo chon̈ab', 'icha wal tz'aj sjelx yal uva 'a yol yet'ul. 'Oj ma'xoc lan̈chjoc can schon̈b' eb', cusltac 'oj 'ajcni, 'icha wal tz'aj sma'x poj jun tzo'n̈ yet'l yal uva to man̈x 'a tas 'a yojol.

Jeremías 48:29

Wojc wal sb'an̈jb'al eb' 'aj Moab. Caw ch'an eb', niwc winc tzyutj sb'a eb'. Yel xo tzyij chan̈ sb'a eb'.

Jeremías 51:34

A eb' 'aj Jerusalén yet' eb' 'aj chon̈b' Sión, tzyal eb' 'ixtic: A Nabucodonosor sreyl Babilonia, caw choc' on̈ yutjec on̈ satn 'eli, caw mesmni xyutj yol qui chon̈ab', 'icha junc 'uc'b' may sb'a'al. On̈ b'u'x 'ejm yu'uj, 'icha tzyac' junc no niwc noc' 'ay 'a yojl 'a mar. 'Ix yac' wal b'ut'joc sc'ojl yet' smasnil tas 'ay 'ayon̈, ax tas man̈x 'ic schaj sc'ojol, 'ix sjulcn 'eli. Stoj lajwc cab' eb' 'aj Babilonia 'icha wal smoj on̈ yutjec eb'. Stoj lajwc cab' eb' yuj eb' 'anma smiljnac eb' 'a qui calec, xchi cab' eb'.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Nahúm 2:2

Wach'xam 'elc'b'il cot smasnil tas 'a chon̈b' Israel eyu'uj, scan eyuj 'icha junc snun uva man̈x 'a sc'ab', palta a Jehová 'oj 'i'noc pax chan̈ sb'inab'ilal eb' yin̈tl can Jacob jun 'ejm xo, 'icha xon 'a yic yaln̈taxi.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Zacarías 1:15

Yuj cha, caw 'ix cot wowl 'a jun tzo'n̈ xo nacion̈, eb' to matz 'och 'il xon jab'oc. A yic jab' wal wowl 'ay cot 'a Jerusalén, ax eb', yel xo tz'ec' eb' 'a yib'n̈ ya'n 'och yailal 'a yib'n̈ eb' in chon̈b' cha.