Jeremías 47:7 - Chuj San Sebastian Bible

⁷ Palta ¿tas wal 'oj 'aj yoch wa'an? Yujto a Jehová 'ix alni, to 'ixta tz'aji, caw a 'ix alni to tz'och owl 'a chon̈b' Ascalón yet' 'a smasnil eb' cajn 'a sti 'a mar.

Chuj San Mateo Bible

⁷ Palta ¿tas val ol aj yoch vaan? A Jehová ix alani to icha chi' tzuji. An̈eja' ix alani to tz'och oval d'a chon̈ab' Ascalón yed' d'a masanil eb' cajan d'a stitac a' mar.

Jeremías 47:7 Iomraidhean Croise

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 13:3

Tox xwac' alxc 'a eb' in soldado, atn eb' jeln 'a owal, a eb' xwac' si'xoc 'eli, 'oj tzaljoc eb', yic 'oj wa'n ya'ch eb' syailal eb' 'ajc'ojl yajch 'ayin, xchi Dios.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

Ez 14:17

Q'uinloc tzwij cot owl 'a yib'n̈ jun chon̈b' cha, tzwalni to tzcham eb' 'anma yet' no noc'.

Ez 21:14

Ach 'anma', al yab' eb' et chon̈b' cha, to 'ay tas 'oj jawc 'a yib'n̈ eb'. Poc' a c'ab' yil eb', yujto caw wal 'ay smay jun espada cha, yel xo wal 'oj cot yowl jun chi smilwj yet' q'ue'en, tzanxn̈ej 'ajtil 'oj 'och chaml yuj q'ue'en.

Ez 21:30

Molc eyespada 'a yol yet'ul. An 'oj ex in b'eyc'ojloc 'a jun lugar 'aj 'aljnac ex, atn lum lum 'aj 'e'nc ex cajan.

Ez 21:9

Ach 'anma', paxtinan̈ 'el 'a scal eb' 'anma', tzaln 'a eb', to an Jehová Yajl in, an tzwal 'ixtic: 'Iltec wal jun q'uen espada, caw wal jay ye, tzictzni pax yilxi.

Ez 25:16

Yuj cha, tzwaln cani: To 'oj wi' chan̈ in c'ab', ax wa'n 'och syailal eb' filisteo cha, 'oj in satl eb' quereteo, yet' smasnil eb' 'ay 'a sti a mar.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.