Jeremías 47:3 - Chuj San Sebastian Bible

³ A wal yic 'oj yab'nc eb' sc'an̈ ste'n 'ejm no chej yoc, yet' 'a yic 'oj yab'nc pax eb' sc'an̈ scot caruaje, caw 'oj pax yip eb'. A eb' mamb'il yet' eb' nunb'il, 'oj yactc can eb' yunnal.

Chuj San Mateo Bible

³ A val yic ol yab'an eb' sc'an̈ yem yoc noc' chej yed' sc'an̈ scot carruaje, a eb' vin̈ mamab'il yed' eb' ix nunab'il ol te el yip eb', ol yactejcan yal yuninal eb'.

Jeremías 47:3 Iomraidhean Croise

Is 5:28

A eb' soldado cha, caw jay yaj sn̈icn eb' ye sjul-lab', jalb'ilx teln sjul-lab' eb' chi yu'uj. A yech no schej eb' cha, lajn wal yilx 'icha q'uen suy q'ue'en, ax scaruaje eb', caw jeln sb'ey 'icha chacxuxm'ic'.

Jeremías 46:9

Ex 'aj Egipto, 'a'c 'ip e 'at yet' e chej, 'ijec 'at jun tzo'n̈ e caruaje. 'At cab' jun tzo'n̈ eb' soldado 'aj Etiopía eyet'oc, yet' eb' 'aj Libia, yi' cab' eb' syamc'ab' tzmacn sat jul-lab'. 'At cab' pax eb' soldado 'aj Lidia, yujto caw jeln eb' sjulwji.

Jeremías 50:42

Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Ez 23:24

'Oj jawc eb' 'aych yet' scaruaje, scareta yet' eb' soldado eb'. A eb' soldado cha, caw niwn syamc'ab' eb' yet'i, 'ay q'ue sq'uen xumpiln eb', yet' eb' syamc'ab' tzmacn sat jul-lab'. 'Oj 'och oyn eb' 'ayach, ax ach wa'n 'a yol sc'ab' eb', yic 'oj ach sb'eyc'ojlanc eb' yet' sley.

Nahúm 2:4

Man̈x yalnb'ilc yec' scaruaje eb' 'a yoltc caye, can oyn yec' eb' 'a spatquil 'el chon̈ab', lajn wal yilx 'icha cantil 'aych sc'aq'uil, lajn yec' eb' 'icha letz'lo'om.

Nahúm 2:8

'Icha wal tz'aj sn̈i'chj 'el a a 'a yet'l 'aj molb'il, 'ixta wal 'oj 'aj s'at eb' 'aj Nínive 'eloc. 'Ojt cob' 'och 'aw, ax yalx 'a eb' 'ixtic: 'Ochn̈ec wa'an, meltzjan̈ec, 'oj xchioc, palta man̈x 'a mach 'oj scha yab'i'.

Apoc 9:9

'Ay jun 'aych 'a sniwnal e no', lajn 'icha junc q'uen pichl tzya'ch eb' soldado. Ax sc'an̈ sc'axl e no', lajn sc'an̈ 'icha nan̈loc caruaje yic tzto'n 'at no chej 'a owal.

Jueces 5:22

Caw wal xc'an̈ sb'ey yoc no chej yic x'at no yac' owal.