Jeremías 47:2 - Chuj San Sebastian Bible

² A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.

Chuj San Mateo Bible

² Ix yalan Jehová chi' icha tic: A d'a stojolal norte ol cot val n̈ililoc eb' soldado, icha val yel pon̈oljoc a' eluma' tz'el d'a stitac smelemal. Pilan ol satel jun nación chi' eb' yed' masanil tastac ay d'ay yed' juntzan̈xo chon̈ab'. Masanil eb' cajan d'a schon̈ab' eb' filisteo chi', ol el yav eb' yab'an syail.

Jeremías 47:2 Iomraidhean Croise

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 50:12

Q'uinloc 'ay in wejel, ma'oj wal eyab'i', yujto wic smasnil tas 'ay 'a yolyib'n̈q'uinl tic.

Salmos 96:11

Tzalj cab' satcha'an̈ yet' lum lum tic. 'El cab' yaw a mar yet' smasnil tas 'ay 'a junjn c'aj.

Salmos 98:7

B'itn cab' chan̈ a mar yet' smasnil tas 'ay 'a yojl a', b'itn cab' chan̈ yolyib'n̈q'uinl tic yet' smasnil eb' cajn 'a 'a.

Is 14:31

C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Is 15:8

'Oj 'ab'xoc yel yaw eb' 'anma chi 'a smasnil 'aj tzlajw c'och smon̈jonal Moab. 'Oj c'och yel yaw eb' yuj syailal chi 'a chon̈b' Eglaim, masnto 'oj c'och yab'x 'a Beer-elim.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Is 28:17

'Ixtc 'oj wutc in b'on jun 'icha n̈a cha, a 'in tojlal 'oj wa'lb'oc 'a 'a, 'icha tz'aj sc'anx q'uen plomo mto nivel, xchi. A 'a 'es yet' 'a tas man̈ yeloc, ata xe say e colnb'il, palta a q'uen sacb'at a q'uen 'oj satnc 'eli; ax jun 'icha 'elmal a', a 'oj satnc 'el jun eyet'l 'aj tze col cob' e b'a cha.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Jeremías 1:14

Yuj cha, xyaln Jehová 'ixtc 'ayin: A 'a stojlal norte cha, ata 'oj cot yailal 'oj jawc 'a yib'n̈ smasnil eb' 'anma cajn 'a tic.

Jeremías 46:12

Yojc xo smasnil nacion̈ to wan yel e q'uixwel, checl yel eyaw 'a smasnil yolyib'n̈q'uinal. Toxn̈ej tztenlaj sb'a eb' 'a'm owl yeq'ui, tzlaj b'alb'n 'ec' eb' 'a sat lu'um, xchi Dios.

Jeremías 46:13

'Ix yal Jehová 'ixtc 'ayn yuj tas 'oj yutc Nabucodonosor sreyl Babilonia ya'n owl 'a Egipto:

Jeremías 46:20

A Egipto tic, a 'a stojlal norte tzcot jun 'ajc'ojl 'oj satnc 'eli, lajn wal 'icha junc no niwquil tzac' tzwul chinc no cob's wacx caw wach' yilxi.

Jeremías 46:24

A eb' 'aj Egipto tic, caw 'oj q'uixwc 'el eb', 'oj 'ajxoc ganar eb' yuj eb' chon̈b' 'oj cot 'a stojlal norte, xchi Dios.

Jeremías 48:39

A Moab caw choc' x'ajcni. 'O'n̈ec yu'uj, yujto caw man̈x 'a yel'ch 'ix 'ajcni, tox 'ix ma'x 'ejm lan̈chjoc. Smasnil jun tzo'n̈ nacion̈ 'ay 'a stz'ey, toxn̈ej tzb'uchwj eb' 'a 'a, caw tzxiw pax eb' yilni, xchi Dios.

Jeremías 6:22

'Ix yaln Jehová 'ixtic: A wal 'a caw snajtil lum lum 'ay 'a stojlal norte, ata 'ay jun niwquil nacion̈ caw jelan, wan ya'n lista sb'a scoti.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Dn 11:22

Smasnil eb' 'ajc'ojl yajch 'a 'a, c'uxn 'oj satxoc 'el eb' yu'uj, an̈jtona win syajlil trato.

Nahúm 1:8

A pax eb' tu tzyutj sb'a 'a 'a, caw tzlajw 'el eb' yu'uj, tz'ijx 'at eb' 'icha tz'aj yijx 'at junc tas yuj a 'elmal a'. 'Oj ya'cn 'at q'uic'q'uinl 'a yib'n̈ eb' 'ajc'ojl cha.

1 Co 10:26

Yujto a yolyib'n̈q'uinl tic, yet' smasnil tas 'ay 'a 'a, yic Cajlilec.

1 Co 10:28

Palta toto 'ay junc mach tzaln 'ayx 'ixtic: A jun chib'j tzyac' win tic, tox x'och xajmb'alil, toto xchi 'ayex, man̈ e chi'. Yujto a jun tzaln 'ayx cha, 'ay smay, toq'ue tzjuw 'el snab'en eyu'uj.

Santiago 5:1

'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.

Apoc 17:1

'Ay jun 'a eb' ángel 'ay svaso yucwn̈il 'ix jawi. 'Ix yaln 'ixtc 'ayin: —Cotan̈, 'oj in ch'ox jun niwn yailal 'oj 'em 'a yib'n̈ jun 'ix yajl 'ajmul 'ix. Atn 'ix wocn q'ue 'a yib'n̈ jun tzo'n̈ a mar.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.