Jeremías 45:5 - Chuj San Sebastian Bible

⁵ Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Chuj San Mateo Bible

⁵ ¿Tom smoj tza c'an tas tz'aj a q'uechaan̈? Man̈xo a c'ana', yujto ol vac'och yaelal d'a yib'an̈ masanil anima. Palta a in Jehová in svala', yaln̈ej b'aj ol ach c'ochoc, man̈ ol ach in cha miljocchamoc, xchi Jehová, xin chi d'a vin̈.

Jeremías 45:5 Iomraidhean Croise

Gn 6:12

'Ix yiln Dios to smasnil 'anma 'ix juw 'eli, cojxn maysch'olnil tzlaj sb'o eb'.

A Ch'an̈ B'ab'el Libro Yic Yab'ixal Eb' Rey 3:11

yuj cha, 'ix yaln Dios 'ixtic: Yujto a jun tzo'n̈ tic tza c'ana, man̈oc a q'uinal, man̈oc a ricoal, man̈ pax oc schaml eb' 'ajc'ojol, palta to a sjelnal a nab'en 'ix a c'ana, yic tzojcan 'el a'n cuenta in chon̈ab',

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

A Ch'an̈ Schab'il Libro Yic Yab'ixal Eb' Rey 5:26

Palta 'ix 'och tecn Eliseo 'a 'a, 'ix yaln 'ixtic: —A yic 'ix 'emt jun winc chi 'a yol scaruaje, 'ix wul ach schanoc, ¿'icha to 'ayn 'ec' et' ta'? Man̈ smojc 'ixta tzcutj qui chan tumin, pichul, olivo, uva, calnelu, mam wacax, ewin checab', yet' eb' 'ix checab'.

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Jeremías 21:9

A mach tzcancn 'a jun chon̈b' tic, 'oj cham yuj owal, yuj wejel, mto yuj yab'il. Al pax eb' 'oj 'at 'eloc, ax ya'n 'och sb'a eb' 'a yol sc'ab' eb' 'aj Babilonia, atn eb' 'aych yac' owl 'a jun chon̈b' tic. A eb' 'oj 'el cha, ma'oj cham eb', palta teb'il xoj pitzn eb'.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Jeremías 25:16

A yic 'oj yu'nc eb', caw 'oj xej eb', ax scot 'a sjolm eb' yu'uj. 'Ixta 'oj 'aj eb' yuj jun owl 'oj wa' cot 'a scal, xchi 'ayin.

Jeremías 25:26

yet' smasnil eb' rey 'ay 'a stojlal norte, eb' la'n 'ay, yet' eb' najt 'ay. Stzol-l xyutj eb' yu'ni, tzyal 'el'chi, smasnil eb' rey 'ay 'a yolyib'n̈q'uinl tic, c'uxn xyu'j eb' smasnil. Ax 'a slajub' xwa'n yuc' win sreyl Babilonia.

Jeremías 25:31

'Oj 'ab'xoc sc'an̈ 'a 'aj tzlajw c'och lum lum tic, yujto 'ay wal tas 'oj yal Jehová 'a yib'n̈ smasnil nacion̈. Caw 'oj b'eyc'ojlaxc smasnil 'anma yu'uj, ax ya'n can 'och chaml 'a yib'n̈ smasnil eb' maysch'olnil, xchi Dios, xa chi 'a eb', xchi 'ayin.

Jeremías 38:2

To a Jehová 'ix aln 'ixtic: A mach 'oj can 'a yol chon̈b' tic, 'oj cham yuj owal, yuj wejel, yuj pax yab'il. A pax mach 'oj 'at 'eloc, ax ya'n 'och sb'a 'a yol sc'ab' eb' 'aj Babilonia, a eb' cha, 'oj colchjoc to 'el eb'.

Jeremías 39:18

An tzwala, yujto in a'ch yipc a c'ojol, yuj cha, 'oj ach in col-l 'a yol sc'ab' eb', sec ma'oj ach smil cham eb', xchi Dios, xa chi 'a winac, xchi 'ayin.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.