Jeremías 44:5 - Chuj San Sebastian Bible

⁵ Palta ax tic, caw wal ma'ix eyiclej, ma'ex 'och wan e b'on maysch'olnilal. A eyico', to xwach' niwtj eya'n incienso xajmb'al-l 'a jun tzo'n̈ tzalx 'och diosal cha.

Chuj San Mateo Bible

⁵ Palta maj e c'anab'ajej, maj e chapax eyab' tas ix vala'. Maj eyactejcan e c'ulan chucal, ix ex te q'ue val chaan̈ e n̈usan incienso d'a juntzan̈ comon dios chi'.

Jeremías 44:5 Iomraidhean Croise

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Is 48:18

Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Jeremías 11:10

'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 11:8

Palta ma'ix schaj eb' yab'i', ma'ix syiclj eb'. A yic eb', to 'ix yac' eb' pitb'oc 'el snab'en. 'Ix ya'n 'at sb'a eb' 'a scal maysch'olnil. Man̈x 'ic yal sc'ojl eb' syiclj tas waljnac 'a 'a. Yuj cha, 'ix wa'n cot yailal 'a yib'n̈ eb', 'icha wal yaln can 'a jun trato cha, xchi Dios 'ayin.

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Jeremías 43:4

'Ixta x'aj yoch stenmtacl Johanán, yet' eb' syajlil eb' soldado, yet' pax smasnil eb' 'anma', ma'ix can eb' 'a Judá 'icha 'ix yutj Jehová yalni.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Dn 9:6

A tas yaljnac can 'el eb' a checab', ma'ix qui yiclj on̈. Yaljnac eb' a paxti 'a eb' qui reyl on̈, 'a eb' yajl yaj 'a qui cal on̈, 'a eb' qui mam quichm on̈, yet' pax 'a smasnil eb' quit israelal on̈.

Os 11:2

Palta a yic xwawtn cot cha, yel xo wal najt xyij 'el sb'a 'a in tzey. A eb' in chon̈b' tic, 'ix laj yac' eb' xajmb'al 'a jun tzo'n̈ dios Baal. 'Ix laj sn̈usn eb' incienso 'a yojltac jun tzo'n̈ yechel.