Jeremías 44:24 - Chuj San Sebastian Bible

²⁴ 'Ix waln pax 'ixtc 'a eb' 'ix 'ix, yet' 'a smasnil eb' chon̈ab': —E masnil ex wit chon̈b' 'aj Judá, ex 'ayx 'ec' 'a yol yic Egipto tic, 'ab'c tas tzyal Jehová.

Chuj San Mateo Bible

²⁴ Ix valanxi d'a eb' ix ix yed' d'a masanil anima chi' icha tic: —Ab'ec val jun slolonel Jehová tic ex vetchon̈ab', ex cajan ex d'a yol yic Egipto tic ticnaic.

Jeremías 44:24 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 28:14

Ex yajl eyaj 'a Jerusalén, caw wal b'uchmtac ex, 'ab'c wal spaxti Jehová.

Jeremías 42:15

to 'ixta', 'ab'c wal ax 'ayx to can 'a Judá tic, to a Jehová tztac' yuj smasnil, atn qui Diosalec, a tzaln 'ixtic: Toto tze nib'j tzex c'och cajn 'a Egipto,

Jeremías 43:7

Ma'ix syiclj xon eb' jac tas 'ix yal Jehová, 'ix 'at eb' smasnil 'a yol yic Egipto. Atta xc'och cajn eb' 'a jun chon̈b' tzcuch Tafnes.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Ez 2:7

'Oj al in paxti tic 'a eb', toxn̈ej 'oj scha eb' yab'i', mto ma'ay, yujto caw pit eb'.

Am 7:16

Yuj cha, tzcham wal a maclni spaxti Jehová tic. Atn jun tzo'n̈ tzal 'ayn yuj 'ixtic: Man̈ al-l jun tzo'n̈ spaxti Dios 'a eb' israel, atn eb' yin̈tl Isaac, xa chi.

Mt 11:15

A jun tzo'n̈ tzeyab' tic, nac wal si'mb'il.