Jeremías 43:3 - Chuj San Sebastian Bible

³ A win Baruc, yunnal Nerías, a tzaln jun tzo'n̈ paxti chi 'a qui patquec, sec tzon̈ 'ejmec yuj eb' 'aj Babilonia, yic tzon̈ smilnec cham eb', mto tzon̈ yijec 'at eb' 'icha presoal, xchi ewinac.

Chuj San Mateo Bible

³ A vin̈aj Baruc yuninal vin̈aj Nerías, a vin̈ tz'alan juntzan̈ lolonel tic d'a co patic yic tzon̈ yac'och vin̈ d'a yol sc'ab' eb' aj Babilonia chi', yic tzon̈ smilancham eb', ma on̈ yic'anb'at eb' d'a Babilonia chi', xchi eb' vin̈.

Jeremías 43:3 Iomraidhean Croise

Salmos 109:4

A spac in chamc'ojlal tzyac' eb', to tzchichn 'och eb' 'ayin, palta to tzin leslwi yuj eb'.

Jeremías 32:12

Wal 'a sat wican Hanamel cha, yet' 'a sat eb' testigo 'ix 'a'n sfirma 'a ch'an̈ yun̈al trato cha, yet' pax 'a sat smasnil eb' wit chon̈b' wocn 'ec' wet'oc, 'ix wa'n ch'an̈ schab'l 'a Baruc, atn win yunnal Nerías yixchicn Maasías.

Jeremías 36:10

'Ix yawtn win Baruc tas tz'ib'b'il 'a yojl ch'an̈ un̈ cha, yic tzyab'n smasnil eb' 'anma'. Ata xyawtj 'a jun 'amc' chan̈ yaj chan̈ 'a yatut Jehová, 'a stz'ey jun 'ac' puerta 'a 'aj 'ay scuarto win Gemarías yunnal Safán, win 'ajtz'ib'.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Jeremías 36:4

'Ix wawtn cot win Baruc yunnal Nerías. 'Ix waln smasnil tas 'ix yal Jehová 'ayin, ax Baruc cha, a 'ix tz'ib'n 'a jun ch'an̈ u'un̈.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Jeremías 43:6

X'ijx 'at eb' winac, eb' 'ix 'ix, eb' 'unin, eb' 'ix yisl win rey yet' smasnil eb' 'anma', atn eb' 'ajxnac can 'och 'a yol sc'ab' Gedalías yuj win comandante Nabuzaradán. In yij 'at eb' yet' win Baruc.

Lc 6:26

A yic 'oj ex yal eb' 'anma wach'il, caw 'oltac ex, yujto 'ixta yutjnac eb' 'anma yaln wach'l eb' cob' yaljnac 'och sb'a schecb'oc Dios pecti'.