Jeremías 43:12 - Chuj San Sebastian Bible

¹² 'Oj n̈usxoc yatutal sdiosal eb' 'aj Egipto tic, ax sn̈usx can pax sdiosal eb' cha, mto 'oj 'ijxoc 'at 'icha presoal. 'Icha tzyutj junc 'ilm calnelu yi'n 'el no sip 'a spichul, 'ixta 'oj yutc Nabucodonosor yi'n 'at sricoal Egipto tic, caw tzaljc'ojlal 'oj 'aj smeltzji.

Chuj San Mateo Bible

¹² Ol sn̈usantz'a juntzan̈ stemplo sdiosal eb' aj Egipto tic vin̈, ol yic'anb'at juntzan̈ scomon diosal eb' chi' vin̈. Icha junoc tan̈vum calnel pilan syiq'uel noc' sip d'a spichul, icha chi' ol yutej Egipto tic vin̈aj Nabucodonosor chi', pilan ol yic'b'at sb'eyumal vin̈, junc'olal ol meltzaj vin̈.

Jeremías 43:12 Iomraidhean Croise

A Ch'an̈ Schab'l Libro Samuel 5:21

A yic x'at eb' filisteo 'eloc, 'ix yactn can eb' jun tzo'n̈ yechl sdiosal, ax David yet' eb' soldado ajun yet'oc, ax eb' x'ec' 'i'noc jun tzo'n̈ cha.

Ester 6:9

Ax jun pichl cha, yet' no chej cha, tz'ajx 'a junc eb' yajl tic to yel xo niwc yel'ch yopiso, ax tz'a'n 'och te pichl chi 'a junc mach tza nib'j tzej chan̈ sb'i cha. Tz'ajx q'ue pax 'a yib'n̈ no chej cha, tzlajw cha, tzquetzx b'eyc'oc no chej chi yet' win 'a yol caye 'a yol chon̈ab'. Tzyaln 'a yojltac win 'ixtic: 'Ixtc wal tz'aj junc winc to tznib'j win rey tzyij chan̈ sb'i, xchi cab'i', xchi win Amán cha.

Job 40:10

Ch'ox wila' toto yel niwn el'chi, tzam 'el tzicnjoc c'ac' 'ayach, mto tzictzni yilx a niwnal smasnil.

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Salmos 132:16

Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.

Salmos 132:18

Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Is 46:2

A jun tzo'n̈ yechl cha, tz'em pacnjoc eb', tz'ec' telnjoc eb', tz'ejm c'otnjoc eb' 'a sat lu'um, may jac spoder eb' scoln sb'a, locn eb' tz'ijx 'at 'icha presoal.

Is 49:18

'Ixc q'ueln 'a smasnil a tz'ey, wan laj syamnc pax sb'a smasnil eb' 'ijxnac 'at 'icha presoal, yic tzjapx eb' 'ayach. An Jehová in, mun tzin loc in b'i, tzwac' in ti 'ayach, to caw 'oj a b'an̈ a b'a yuj eb' a chon̈ab', atn eb' wan sjapx 'aych cha. 'Icha wal swach'l yilx tz'aj junc 'ix cob's 'ix yuj yixtal spichul yic tznupni, 'ixta wal 'oj aj yuj eb'.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 61:5

A eb' chuc chon̈b'al, a eb' 'oj 'och yilmalc e calnelu, 'oj 'och eb' e mosooc, ax stan̈wni eb' eyawb'en uva.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 25:19

An̈jtona', 'ix wa'n pax yuc' win sreyl Egipto, yet' eb' 'aych yajlil yet'oc, yet' eb' niwc winac, yet' pax smasnil eb' schon̈ab',

Jeremías 43:13

Ax sma'n lan̈chjoc can jun tzo'n̈ q'uen tusb'il can chan̈ 'a Heliópolis 'a Egipto tic. 'Ixta 'oj 'aj sn̈usx can smasnil jun tzo'n̈ yatutal sdiosal eb' 'aj Egipto tic, xchi Dios, xa chi 'a eb', xchi 'ayin.

Jeremías 46:25

A Jehová tztac' yuj smasnil, atn sDiosal Israel, a tzaln 'ixtic: 'Oj in satl Amón, atn sdiosal eb' 'aj Tebas. 'Oj in satl pax Egipto yet' sdiosal, yet' sreyal yet' eb' tz'a'n 'och win rey chi yipc sc'ojol.

Jeremías 48:7

A Moab, a wal smunljel yet' sricoal 'aych yipc sc'ojol, palta an̈jtona 'oj 'ijxoc 'ati. A jun sdiosal tzcuch Quemos, 'oj 'ijxoc 'at 'icha presoal, yet' eb' 'aych ya'malc 'och sti eb' 'a 'a, yet' pax eb' 'anma caw niwc cob' yel'chi.

Jeremías 49:27

'Oj in n̈uscn tz'a smuroal chon̈b' Damasco, ax jun c'ac' chi 'oj satnc 'el jun tzo'n̈ sdespacho Ben-adad, xchi Dios.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Jeremías 51:44

'Ix yaln Dios 'ixtic: 'Oj wa'ch wal yailal 'a yib'n̈ Bel, atn sdiosal Babilonia. 'Oj wac' xejc q'uet tas b'uc'b'il 'ejm yu'uj, man̈x 'oj wul 'ilxoc yuj jun tzo'n̈ xo nacion̈. 'Oj lan̈chjoc 'ejm smuroal Babilonia cha.

Ez 29:11

Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'.

Ez 29:19

Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha.

Ez 30:13

An Jehová in, an tzwala: 'Oj in satl smasnil jun tzo'n̈ yechl comn dios, yet' jun tzo'n̈ comn dios 'ayc' 'a chon̈b' Menfis. Man̈x 'a mach 'oj 'och yajlil 'a Egipto, ax wa'n xiwc'ojlal 'a smasnil 'anma 'a jun nacion̈ cha.

Dn 11:8

An̈jtona', 'oj yi't pax 'a Egipto jun tzo'n̈ q'uen q'uen tenb'il b'o sdiosalc eb', yet' q'uen oro yet' q'uen plata tzc'anlb'ax 'a jun tzo'n̈ sdiosal eb' cha. 'Oj 'ec' jaye'oc ab'il yuj eb', yic may owl 'a scal chab' nacion̈ cha.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

Ef 4:24

Yowlal tze chaj jelmjoc e nab'en, tze chan junx 'a't tzb'o Dios 'icha tznib'ej. Toto 'ixta', tojl 'oj eyutc e b'eyb'al, caw wach'n̈j 'oj eyutc e b'a, 'icha tzyal jun 'ab'x caw yel.

Ef 6:11

Qui chac jun tzo'n̈ tas tzyac' Dios 'ayn̈ec. 'Icha jun tzo'n̈ syamc'ab' eb' soldado, 'ixta yopiso jun tzo'n̈ tic 'ayn̈ec, sec wach' 'oj stac' qui te'wtzanec qui b'a 'a win diablo, yic tzya'lni on̈ ya'nec prowal yet' sjelnal.

A Scarta San Pablo D'a Eb' Aj Colosas 3:12

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

A Scarta San Pablo D'a Eb' Aj Colosas 3:14

Yet' wal junx tic, yowlal tzlaj qui chamc'ojloquec qui b'a. Toto 'ay qui chamc'ojlal, c'uxn 'oj qui b'oc jun tzo'n̈ xwal tic. To 'ixta', tz'acn tzqui yicljec smasnil.