Jeremías 42:6 - Chuj San Sebastian Bible

⁶ Wach'xam tzchaj qui c'ojol, mto matz chaj qui c'ojl tas 'oj yutc spacn 'ayach, 'oj qui yiclcn̈ej 'a Jehová qui Diosalec, atn jun 'aj xqui c'an 'ayach, to 'oj a c'anb'c 'a 'a, sec wach' 'oj quelc c'ochi, xchi eb'.

Chuj San Mateo Bible

⁶ Tato ol scha co c'ol tas ol aj spacan Jehová co Diosal chi' d'ayach, mato man̈ ol scha co c'ool, palta ol co c'anab'ajejn̈ej tas ol yal chi'. Scal d'ayach to tza c'an d'ay cuuj yic vach' ol on̈ elc'ochoc, xchi eb'.

Jeremías 42:6 Iomraidhean Croise

Salmos 128:2

A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.

Salmos 78:36

Tzyal eb' wach' paxti cob' yet' sti', palta caw 'es tzyac' eb'.

Ex 24:7

Xlajw cha, xyi'n chan̈ jun ch'an̈ un̈ 'aj tz'ib'b'il strato Dios, 'ix yawtn ch'an̈ 'a scal eb' yit israelal. Xlajw yawtx ch'an̈, xyaln eb' chon̈b' chi 'ixtic: —Smasnil tas xyal Jehová, tzca'ch 'a qui c'ojl qui yiclni, xchi eb'.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

Jeremías 43:4

'Ixta x'aj yoch stenmtacl Johanán, yet' eb' syajlil eb' soldado, yet' pax smasnil eb' 'anma', ma'ix can eb' 'a Judá 'icha 'ix yutj Jehová yalni.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Ro 7:13

Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

Dt 5:27

Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Josué 24:24

Xta'w pax eb' chon̈b' chi 'ixtc 'a Josué: —An̈ tic on̈, 'oj ca' servil Jehová qui Diosalec, 'oj qui yiclc tas 'oj yal 'ayn̈ on̈, xchi eb'.