Jeremías 42:19 - Chuj San Sebastian Bible

¹⁹ Ax xo pax to tzex cancn 'a Judá, a Jehová wan yaln 'ayex, to matz ex 'at 'a Egipto. 'Ojquejec 'el si'mb'il, chajtlto an wan waln 'ayx ticnec.

Chuj San Mateo Bible

¹⁹ A ex aj Judá ex ixto ex can tic, a Jehová van yalan d'ayex yic max ex b'at d'a Egipto chi'. Ojtaquejequeli to a in van valan d'ayex ticnaic,

Jeremías 42:19 Iomraidhean Croise

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Is 21:12

In ta'w 'a 'a: Wan sacb'i, palta 'oj jawc pax 'ac'wl jun 'ejm xo. Toto tza nib'j tza c'anb'j pax jun 'ejm xo, meltzjan̈, wul c'anb'j jun 'ejm xo, xin xchi 'a 'a.

Jeremías 38:21

Yujto tox 'ix sch'ox Jehová 'ayin, tas 'oj ujoc, toto ma'oj a'ch a b'a 'a yol scab' eb' mamin rey.

Ez 17:15

Palta 'ix 'och win 'ajc'ojlal 'a win sreyl Babilonia cha, 'ix ya'n 'at win schecb' 'a win sreyl Egipto yic tzc'ann cot win no chej yic owal yet' nan̈loc eb' soldado, (a no schab'l salt'iw cha, tzyal 'el'chi, atn win sreyl Egipto). ¿Tom 'oj yac' ganar scoln sb'a yet' jun snab'en cha? ¿Tom 'oj stac' scoln sb'a jun mach to matz yac' 'el'choc strato cha?

Ez 2:5

Lemb'il ma'oj scha eb' yab' 'ayach, yujto caw wal pit eb', palta 'oj yojcoc 'el eb' to 'ayc' jun in checb' 'a scal eb'.

Ez 3:21

Palta toto tzal yab' junc mach wach' sb'eyb'al cha, to matz b'o tas tu', toto tzyiclej, 'oj yil najtl tiempo, yujto tzchaj yab' tas tzal chi 'a 'a, ach xo tic, libre ach 'a jun 'anma cha, xchi 'ayin.

Nm 14:3

¿Tas laj yuj tzon̈ yijec 'at Jehová 'a jun lum lum cha, sec am ata tzon̈ chamc can ta yuj owal, ax eb' 'ix quistlec, eb' cunnalec, 'oj can eb' 'a yol sc'ab' eb' 'ajc'ojl yajch 'ayn̈ec cha? Yel xom wach' tzon̈ meltzjec pax 'a Egipto, xchi eb'.

A Tas Sc'ulejnac Eb' Schecab' Jesús Hechos 2:40

Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

Dt 31:21

Palta a wal yic 'oj jawc jun tzo'n̈ yailal yet' somc'ojlal 'a yib'n̈ eb', a jun b'it tic, a 'oj yac' testigoal sb'a 'a eb'. Ax yin̈tl eb', 'oj sna cot eb' jun b'it tic, ax sb'itnan eb'; yujto a yic mantzac xon c'och eb' 'a sat lum lum 'aj 'ix wac' in ti wa'n 'a eb', wojc xo si'mb'il, tas 'ayc' 'a snab'en eb', xchi Dios 'a Moisés cha.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.