Jeremías 42:10 - Chuj San Sebastian Bible

¹⁰ Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.

Chuj San Mateo Bible

¹⁰ Tato tzex cajnajcan d'a jun lum tic, ol vac'b'at vach'ilal d'a eyib'an̈, man̈xo ol ex in sateli. Ol vac' q'uib' e b'isul, man̈xo ol ex vac' ic'jocb'atoc. Yujto ya ix vab' yuj jun nivan yaelal ix vac'b'at d'a eyib'an̈ tic.

Jeremías 42:10 Iomraidhean Croise

A Ch'an̈ Schab'l Libro Samuel 24:16

Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.

Salmos 102:16

A yic 'oj a b'onc pax chan̈ Sión jun 'ejm xo, 'oj a ch'ox a b'a yet' a tzictznial.

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 69:35

A 'oj colnc 'el Sión, ax sb'on pax chan̈ chon̈b' Judá jun 'ejm xo. Ax yin̈tl eb' schecab', a eb' 'oj cajnc jun chon̈b' cha. Ata 'oj cann̈j cajn eb', ax yoch eb' 'aj chon̈b'al ta', atn eb' 'ay schamc'ojlal 'a 'a.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

Jeremías 27:11

A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Jeremías 43:4

'Ixta x'aj yoch stenmtacl Johanán, yet' eb' syajlil eb' soldado, yet' pax smasnil eb' 'anma', ma'ix can eb' 'a Judá 'icha 'ix yutj Jehová yalni.

Ez 36:36

A jun tzo'n̈ nacion̈ cannc can 'a stz'ey eyic cha, 'oj yojcoc 'el eb', to an tzin b'ox chan̈ tas satnc can 'eli, 'icha to tzwawj pax tas toc'b'il cha'an̈. An Jehová in, yowlal 'oj wac' 'el'choc jun tzo'n̈ tzwalcn tic.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Am 7:3

Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.

Am 7:6

Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

A Tas Sc'ulejnac Eb' Schecab' Jesús Hechos 15:16

A yopiso David, satnc 'ejmi, 'icha junc n̈a lan̈chjnac 'ejmi. Palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi,

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Jueces 2:18

A yic tzya'n 'och Jehová junc mach tzcolwj cha, ax tzcolwj yet'oc. Ya' sb'a pitznto jun colwjum cha, caw tzcolx 'el eb' 'a yol sc'ab' eb' 'ajc'ojl yu'uj. A yic tz'el yaw eb' yab'n syail, caw tz'o'ch sc'ojl Jehová 'a eb'.