Jeremías 42:1 - Chuj San Sebastian Bible

¹ Smasnil eb' syajlil eb' soldado ajun yet' Johanán, win yunnal Carea, yet' Azarías yunnal Osías, yet' pax smasnil eb' 'anma', eb' niwc yel'chi, yet' eb' may yel'chi, 'ix jaw eb' 'ayn an schecb' in Dios tic.

Chuj San Mateo Bible

¹ Masanil eb' vin̈ yajalil eb' soldado ajun yed' vin̈aj Johanán yuninal vin̈aj Carea yed' pax vin̈aj Jezanías yuninal vin̈aj Osaías yed' masanil eb' anima, eb' ay yelc'ochi yed' eb' malaj yelc'ochi, ix javi eb' d'ayin Jeremías schecab' in Dios tic.

Jeremías 42:1 Iomraidhean Croise

A Ch'an̈ Schab'il Libro Yic Yab'ixal Eb' Rey 25:23

A yic 'ix yab'n eb' syajlil eb' soldado sc'ub'jnac can 'el sb'a cha, yet' eb' xcan to cha, chajtlto a sreyl Babilonia 'ix 'a'n 'och Gedalías gobernadoral, yuj cha, 'ix 'at eb' 'a Mispa yet' eb' soldado paxtinc yet' winac. A eb' cha, atn Ismael yunnal Netanías, Johanán yunnal Carea, Seraías yunnal Tanhumet, 'aj Netofa yet' Jaazanías yunnal jun win 'aj Maaca.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Jeremías 37:3

A win rey Sedequías cha, 'ix schec cot win Jucal yunnal Selemías, yet' win ya'mal 'och sti eb' 'a Dios, atn Sofonías yunnal Maasías, yic tzwul in yilnc eb' an Jeremías in tic, xyaln eb' 'ayn 'ixtic: Leslwan̈ 'a Jehová qui Diosalec cuj on̈, xchi eb'.

Jeremías 40:13

A Johanán yunnal Carea, yet' jun tzo'n̈ xo eb' comandante yic eb' soldado xcancn 'a calcte', 'ix c'och eb' sc'umc Gedalías 'a Mizpa.

Jeremías 40:8

Yuj cha, 'ix 'at eb' sc'umc Gedalías 'a Mizpa, atn ewin x'at tic: Ismael yunnal Netanías; Johanán yet' Jonatán yunnal Carea eb'; Seraías yunnal Tanhumet, yet' jaywn̈ eb' yunnal Efai 'aj Netofa, yet' Jezanías yunnal jun win 'aj Maacat, yet' soldado junjn eb'.

Jeremías 41:11

Ax xyab'n sb'a Johanán yunnal Carea yet' pax eb' syajlil eb' soldado 'ayc' yet'oc, yuj tas sb'o Ismael,

Jeremías 41:16

A Johanán yet' eb' syajlil eb' soldado ajun yet'oc, 'ix scolcn pax 'el eb' 'ix 'ix, eb' 'unin, yet' eb' caw niwc yopiso yuj eb' rey to wan yijx 'at 'icha presoal yuj Ismael 'a yic tox xchamcn Gedalías yu'uj. Ax Johanán 'ix 'i'n cot eb' 'a Gabaón

Jeremías 42:20

Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.

Jeremías 42:8

Yuj cha, xwawtn cot win Johanán yunnal Carea, yet' eb' syajlil eb' soldado ajun yet'oc, yet' pax smasnil eb' 'anma', eb' niwc yel'chi yet' eb' may yel'chi.

Jeremías 43:2

ax Azarías yunnal Osías, yet' Johanán yunnal Carea, yet' jun tzo'n̈ xo eb' winc caw ch'a'an, 'ix yaln eb' 'ixtc 'ayin: 'Es paxti jun tzo'n̈ tzal cha. A Jehová qui Diosalec, toc a 'ix aln 'ayach to matz on̈ 'atc cajn 'a Egipto.

Jeremías 44:12

A wal 'oj wutc ticnec, ax tic ex cant can cob' 'a Judá, palta ex jaw 'a Egipto tic, caw 'oj ex in satl 'a jun 'ejmn̈ej. Smasnil eb' cotc 'unin, yet' eb' 'ichmtac 'anma', 'oj cham eb' 'a owal, yet' yuj wejel. 'Oj jawc catb' 'a eyib'an̈, caw 'oj ex wi'cn 'ejmi. A eb' 'anma 'oj eyilni, caw 'oj xiw eb' eyu'uj.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Ez 8:11

A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.

Mt 15:8

A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

A Tas Sc'ulejnac Eb' Schecab' Jesús Hechos 8:10

Wach'xam eb' may yel'chi, mto eb' niwn yel'chi, c'uxn xya'ch eb' snab'en 'a winac. 'Ix cob' yalnc eb' 'ixtic: —A win Simón tic, atn jun dios tzcuch niwn spoder, xchi cob' eb'.