Jeremías 41:2 - Chuj San Sebastian Bible

² A yic wan swa eb' cha, xq'ue wan lin̈n̈joc Ismael yet' eb' lajn̈wan̈ soldado ajun yet' cha, smiln cham eb' Gedalías, win x'ajx 'och gobernadoral 'a Judá yuj win sreyl Babilonia.

Chuj San Mateo Bible

² Yacb'an van sva eb' vin̈, ix q'ue vaan vin̈aj Ismael yed' eb' vin̈ lajun̈van̈ ajun yed' chi', ix smilancham vin̈aj Gedalías chi' eb' vin̈ d'a q'uen espada, aton vin̈ ix ac'jioch gobernadoral d'a Judá yuj vin̈ sreyal Babilonia.

Jeremías 41:2 Iomraidhean Croise

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

A Ch'an̈ Schab'il Libro Yic Yab'ixal Eb' Rey 25:25

Ax 'a yucl 'uj 'ix jaw Ismael, yunnal Netanías, yixchicn Elisama, to yin̈tl eb' sreyl Judá yaji, ajun lajn̈wan̈ winc yet'oc, 'ix smiln cham eb' Gedalías cha, yet' eb' 'aj Judéa, yet' eb' caldeo 'ayc' yet' 'a Mispá.

Salmos 109:5

A 'in wach' nab'enal 'a eb', tu tzyutj eb' spacn 'ayin, ax spac in chamc'ojlal 'a eb', to tzin schacl eb'.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Jeremías 40:14

'Ix yaln eb' 'a 'ixtic: —¿'Ix ab' ama, to a win Baalis sreyl Amón 'ix tojn Ismael, win yunnal Netanías yic tzwul ach smilnc chamoc? xchi eb' 'a 'a. Palta ax Gedalías ma'ix schaj yab'i'.

Jeremías 40:16

Palta xta'w Gedalías 'a 'ixtic: —Man̈ a na 'ixta'. A tas tzalx 'a spatc Ismael cha, caw man̈ yeloc, xchi.

Jeremías 40:5

Yic mantzac in ta'w 'a winac, 'ix yaln pax win comandante chi 'ixtc 'ayin: Toto tza nib'ej, meltzjan̈ 'a win Gedalías yunnal Ahicam yixchicn Safán, atn win chi xya'cn 'och win rey gobernadoral 'a chon̈b' Judá, yic wach' ata tzach 'aj cajn yet' win 'a scal eb' et chon̈ab'. Tzta'n̈j a 'at 'a 'ajtil tzchaj a c'ojol, xchi win 'a 'a. Xlajw cha, xya'n win comandante chi jun siylab', yet' pax tas tzin c'uxu, xlajw cha, xyaln can sb'a win 'ayin.

Jeremías 40:7

'Ay eb' comandante yet' eb' soldado yic chon̈b' Judá, 'ix sc'ub'j can 'el sb'a 'a calcte 'a eb' soldado 'aj Babilonia. 'Ix yab' eb' to a Gedalías yunnal Ahicam, a x'ajx can 'och gobernadoral 'a Judá chi yuj win sreyl Babilonia. A win x'ochcn yilmalc eb' winac, eb' 'ix 'ix, eb' 'unin, atn eb' caw meb'a cajn ta', eb' ma'ix 'ijx 'at 'a Babilonia.

Jeremías 40:8

Yuj cha, 'ix 'at eb' sc'umc Gedalías 'a Mizpa, atn ewin x'at tic: Ismael yunnal Netanías; Johanán yet' Jonatán yunnal Carea eb'; Seraías yunnal Tanhumet, yet' jaywn̈ eb' yunnal Efai 'aj Netofa, yet' Jezanías yunnal jun win 'aj Maacat, yet' soldado junjn eb'.

Jeremías 41:3

'Ix smiln cham pax Ismael chi smasnil eb' 'aj Judá yet' eb' soldado 'aj Babilonia 'ayc' yet' Gedalías 'a Mizpa cha.

Jn 13:18

—Matz wal eyuj e masnil, yujto wojtac, machx sic'b'ilx xo 'el wu'uj. Palta yowlal 'oj 'el'choc tas tz'ib'b'il can 'a Ch'an̈ U'un̈, 'a 'aj tzyal 'ixtic: A jun in wach'c'ojl to junn̈j tzin wa yet'oc, 'ix meltzj 'och 'ajc'ojlal 'ayin, xchi.