Jeremías 41:16 - Chuj San Sebastian Bible

¹⁶ A Johanán yet' eb' syajlil eb' soldado ajun yet'oc, 'ix scolcn pax 'el eb' 'ix 'ix, eb' 'unin, yet' eb' caw niwc yopiso yuj eb' rey to wan yijx 'at 'icha presoal yuj Ismael 'a yic tox xchamcn Gedalías yu'uj. Ax Johanán 'ix 'i'n cot eb' 'a Gabaón

Chuj San Mateo Bible

¹⁶ A vin̈aj Johanán yed' eb' soldado chi' ix ic'anxicanec' eb' anima, ix coljipax eb' yuj eb' vin̈, aton eb' cajan d'a Mizpa ix yic'b'at vin̈aj Ismael chi' ayic ix lajvi smilancham vin̈aj Gedalías vin̈. A juntzan̈ eb' anima chi', ay eb' vin̈ soldado, ay eb' ix ix, ay eb' unin, ay pax eb' nivac yopisio. Aton eb' ix ic'jixicanec' d'a vin̈aj Ismael d'a Gabaón

Jeremías 41:16 Iomraidhean Croise

A Ch'an̈ Schab'il Libro Yic Yab'ixal Eb' Rey 25:23

A yic 'ix yab'n eb' syajlil eb' soldado sc'ub'jnac can 'el sb'a cha, yet' eb' xcan to cha, chajtlto a sreyl Babilonia 'ix 'a'n 'och Gedalías gobernadoral, yuj cha, 'ix 'at eb' 'a Mispa yet' eb' soldado paxtinc yet' winac. A eb' cha, atn Ismael yunnal Netanías, Johanán yunnal Carea, Seraías yunnal Tanhumet, 'aj Netofa yet' Jaazanías yunnal jun win 'aj Maaca.

Jeremías 41:10

'Ix yi'n 'at Ismael chi eb' 'ix yisl win rey 'icha presoal, yet' eb' 'anma 'ayc' 'a Mizpa cha, atn eb' x'ajx stan̈wc Gedalías yuj win comandante Nabuzaradán. X'ijx 'at eb' yuj Ismael 'a yol yic Amón.

Jeremías 42:8

Yuj cha, xwawtn cot win Johanán yunnal Carea, yet' eb' syajlil eb' soldado ajun yet'oc, yet' pax smasnil eb' 'anma', eb' niwc yel'chi yet' eb' may yel'chi.