Jeremías 41:1 - Chuj San Sebastian Bible

¹ Ax 'a yic yucl 'uj, 'ix cot Ismael yunnal Netanías yet' lajn̈wan̈ eb' soldado 'a Mizpa yic tzc'umn sb'a eb' yet' Gedalías. Axta xmol wa eb' yet'oc. A Ismael cha, yixchicn Elisama, yin̈tl can pax eb' rey, niwn yel'ch yopiso 'a sreyl Judá 'a yaln̈taxi.

Chuj San Mateo Bible

¹ A d'a yuquil uj ix b'at vin̈aj Ismael yuninal vin̈aj Netanías yed' lajun̈van̈ soldado d'a Mizpa yic b'at lolon eb' vin̈ yed' vin̈aj Gedalías chi', junn̈ej ix va eb' vin̈ yed' vin̈. (A vin̈aj Ismael chi', yixchiquin pax vin̈ vin̈aj Elisama, yin̈tilal eb' vin̈ rey, nivan yopisio vin̈ d'a vin̈ sreyal Judá d'a yalan̈taxo.)

Jeremías 41:1 Iomraidhean Croise

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

A Ch'an̈ Schab'il Libro Yic Yab'ixal Eb' Rey 11:1

A 'ix Atalía snun Ocozías, 'ix yab'i chajtlto tox 'ix cham win yune 'ix cha, yuj cha, smiln cham 'ix smasnil eb' yin̈tl win rey cha.

A Ch'an̈ Schab'il Libro Yic Yab'ixal Eb' Rey 25:22

A Gedalías yunnal Ahicam yixchicn Safán, 'ix 'och gobernadoral yuj Nabucodonosor sreyl Babilonia; a xcan 'ilnoc jantc to 'anma 'ix can yuj 'a Judá.

A Ch'an̈ Schab'il Libro Yic Yab'ixal Eb' Rey 25:25

Ax 'a yucl 'uj 'ix jaw Ismael, yunnal Netanías, yixchicn Elisama, to yin̈tl eb' sreyl Judá yaji, ajun lajn̈wan̈ winc yet'oc, 'ix smiln cham eb' Gedalías cha, yet' eb' 'aj Judéa, yet' eb' caldeo 'ayc' yet' 'a Mispá.

2 Cr 22:10

A yic xyab'n 'ix Atalía snun Ocozías, chajtlto tox 'ix cham win yune 'ix cha, yuj cha, smiln cham 'ix smasnil eb' yin̈tl sreyl Judá cha.

Salmos 109:5

A 'in wach' nab'enal 'a eb', tu tzyutj eb' spacn 'ayin, ax spac in chamc'ojlal 'a eb', to tzin schacl eb'.

Salmos 41:9

Ax jun in wach'c'ojl caw 'aych cob' yipc in c'ojol, junn̈j tzin wa yet'oc, palta 'ix meltzj 'och 'ajc'ojlal 'ayin.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Jeremías 36:12

Yuj cha, 'ix 'at 'a 'aj 'ay sdespacho win rey 'a scuarto win 'ajtz'ib', atn 'a 'aj yamn yaj eb' caw niwc yel'ch yopiso: atn Elisama, win 'ajtz'ib', Delaía yunnal Semaías; Elnatán yunnal Acbor; Gemarías yunnal Safán; Sedequías yunnal Hananías, yet' jun tzo'n̈ xo ewin 'aych yopiso.

Jeremías 36:20

Ax ewin niwc yel'ch yopiso cha, 'ix yactn can ewin ch'an̈ un̈ chi 'a scuarto win Elisama, win 'ajtz'ib'. Xlajw cha, 'ix 'at ewin 'at yal smasnil jun tzo'n̈ tic 'a win rey 'a yamq'uil sdespacho.

Jeremías 39:14

a ewin in 'at 'a'nc 'ijxoc cot 'a 'amc' 'a 'aj 'ayn 'och 'a preso. In ya'n can 'och eb' 'a yol sc'ab' win Gedalías yunnal Ahicam win yixchicn Safán, sec tzin ya'ilx yu'uj. In ya'n win 'ijxoc 'at 'a yatut, 'ixta in 'aj in can cajn 'a scal eb' wit chon̈b' 'aycn 'a Judá.

Jeremías 40:13

A Johanán yunnal Carea, yet' jun tzo'n̈ xo eb' comandante yic eb' soldado xcancn 'a calcte', 'ix c'och eb' sc'umc Gedalías 'a Mizpa.

Jeremías 40:5

Yic mantzac in ta'w 'a winac, 'ix yaln pax win comandante chi 'ixtc 'ayin: Toto tza nib'ej, meltzjan̈ 'a win Gedalías yunnal Ahicam yixchicn Safán, atn win chi xya'cn 'och win rey gobernadoral 'a chon̈b' Judá, yic wach' ata tzach 'aj cajn yet' win 'a scal eb' et chon̈ab'. Tzta'n̈j a 'at 'a 'ajtil tzchaj a c'ojol, xchi win 'a 'a. Xlajw cha, xya'n win comandante chi jun siylab', yet' pax tas tzin c'uxu, xlajw cha, xyaln can sb'a win 'ayin.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Jeremías 40:7

'Ay eb' comandante yet' eb' soldado yic chon̈b' Judá, 'ix sc'ub'j can 'el sb'a 'a calcte 'a eb' soldado 'aj Babilonia. 'Ix yab' eb' to a Gedalías yunnal Ahicam, a x'ajx can 'och gobernadoral 'a Judá chi yuj win sreyl Babilonia. A win x'ochcn yilmalc eb' winac, eb' 'ix 'ix, eb' 'unin, atn eb' caw meb'a cajn ta', eb' ma'ix 'ijx 'at 'a Babilonia.

Jeremías 40:8

Yuj cha, 'ix 'at eb' sc'umc Gedalías 'a Mizpa, atn ewin x'at tic: Ismael yunnal Netanías; Johanán yet' Jonatán yunnal Carea eb'; Seraías yunnal Tanhumet, yet' jaywn̈ eb' yunnal Efai 'aj Netofa, yet' Jezanías yunnal jun win 'aj Maacat, yet' soldado junjn eb'.

Ez 17:13

'Ix yi'n cot win jun yican win rey cha, 'ix ya'n win yopiso winac, sb'on win strato yet' winac, xya'n pural win ya'n win sti', sec yiclum tzyutj sb'a win 'a win sreyl Babilonia cha. 'Ixta xyutj win yi'n cot eb' niwc winc 'a 'icha presoal,

Jn 13:18

—Matz wal eyuj e masnil, yujto wojtac, machx sic'b'ilx xo 'el wu'uj. Palta yowlal 'oj 'el'choc tas tz'ib'b'il can 'a Ch'an̈ U'un̈, 'a 'aj tzyal 'ixtic: A jun in wach'c'ojl to junn̈j tzin wa yet'oc, 'ix meltzj 'och 'ajc'ojlal 'ayin, xchi.