Jeremías 40:9 - Chuj San Sebastian Bible

⁹ 'Ix ya'n can Gedalías chi sti 'a eb' 'ixtic: Man̈ ex xiw eya'n 'och e b'a 'a yol sc'ab' eb' 'aj Babilonia. Cann̈ec cajn 'a tic, 'a'c 'och e b'a 'a yol sc'ab' win sreyl Babilonia cha, sec wach' 'oj eyel'chi.

Chuj San Mateo Bible

⁹ Ix yac'an sti' vin̈aj Gedalías d'a eb' vin̈, ix yalan vin̈ icha tic: Man̈ ex xiv eyac'anoch e b'a d'a yol sc'ab' eb' aj Babilonia chi'. Cajnajan̈ec d'a tic. Aq'uecoch e b'a d'a yol sc'ab' vin̈ sreyal Babilonia chi' yic malaj tas ol ex ic'anoc.

Jeremías 40:9 Iomraidhean Croise

Gn 49:15

A yic tzyiln 'ochi, to caw wal wach' jun lugar 'aj caw wach' yilj cha, yuj cha, tzya'n 'och yich spatquil 'a yaln̈ 'icatz, man̈x 'a tas tzyala yic tz'och 'a yaln̈ 'ictz caw 'al.

A Ch'an̈ Schab'il Libro Yic Yab'ixal Eb' Rey 25:24

Xlajw cha, 'ix ya'n Gedalías sti 'a eb', yet' 'a eb' soldado, 'ix yaln 'a eb' 'ixtic: Man̈ ex xiw eyoch schecb'oc eb' caldeo, wach' eyaj cajn 'a yol nacion̈ tic, tzeya'n pax servil sreyl Babilonia; to 'ixta', wach' 'oj e b'ey 'a eyojltac, xchi.

Salmos 128:2

A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Jeremías 27:11

A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Lm 5:9

Scal xiwc'ojlal tz'at quic' jac tas tzqui c'ux on̈, yujto 'ay smay yuj eb' 'a'm owl 'a lum cusltac lu'um.