Jeremías 40:10 - Chuj San Sebastian Bible

¹⁰ An tic, 'oj in cancn 'a Mizpa tic, yic wach' an 'oj woch 'a sat eb' 'aj Babilonia eyu'uj, 'a yic 'oj jawc eb' 'a tic. Ax xo tic, 'ochn̈ec e molb'tzoc yal uva, sat masl 'awb'en, yet' aceite. 'Ixta 'oj eyaj e can cajn 'a jun tzo'n̈ chon̈b' tox xeyij cha, xchi Gedalías 'a eb'.

Chuj San Mateo Bible

¹⁰ A in tic ol in can d'a Mizpa tic, yic vach' a in ol ex vac' checlaj d'a yichan̈ eb' aj Babilonia chi', ayic ol javoc eb' d'a tic. A ex tic, molb'ejec sat te' uva yed' sat te' avb'en te' yed' aceite. Icha chi' ol ex cann̈ej d'a juntzan̈ chon̈ab' toxo ix eyic' chi', xchi vin̈ d'a eb' vin̈.

Jeremías 40:10 Iomraidhean Croise

A Ch'an̈ Schab'l Libro Samuel 16:1

Jab' wal nant xpichlj 'ec' David 'a lum tzaln cha, 'ix jaw win Siba smoso Mefi-boset wul scha 'a yol b'e. Yet' win chawn̈ no b'uru, 'aych yictz e no', cuchb'il chab' ciente 'ixm pan yuj no', jun ciente c'ojlab' tacn̈ sat uva, jun ciente pax pan b'ob'il 'a te tacn̈ sat higo yet' jun no tz'um b'ut'n yet' te yal uva cha.

A Ch'an̈ B'ab'el Libro Yic Yab'ixal Eb' Rey 10:8

¡Caw wach' yic eb' 'anma tzmunlj 'ayach, wach' pax yic eb' a checb' 'ayc'n̈ej 'a a tz'ey yic tzyab'n eb' a jelnal!

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Pr 27:25

A yic tzlaj polx chan̈ te 'ac 'a lum tzalctac, ax tz'aji tzcha woln pax te jun 'ejm xo. A te tze molcn yuj e cajb'en noc' cha.

Is 16:9

Yuj cha, 'oj 'oc' eb' 'anma chi yuj te uva 'a Sibma, yuj te yic Jaser, ax yelt yal sat eb' yuj te uva yic Hesbón yet' yuj te yic Eleale. A 'a scal yawb'ente eb' 'anma cha, ata 'oj 'el yaw eb' yuj owal.

Jeremías 35:19

yuj cha, an Jehová in, tztac' wuj smasnil, sDiosal in Israel, an tzwala: May xon b'a'n̈ 'oj satl yin̈tl Jonadab yic tzin ya'n servil, xchi Dios, xin chi 'a eb'.

Jeremías 39:10

Cojxn eb' caw meb'a 'ix yactj can win 'a yol yic Judá cha, atn eb' caw may jac tas 'ay 'a 'a. A yic cha, 'ix 'ajx slum eb' 'aj tzyawj yuva, yet' jun tzo'n̈ xo yawb'en eb'.

Jeremías 40:12

'Ixta 'ix 'aj smeltzj cot smasnil eb' 'aj Judá, atn eb' sactzicnac yajcn 'at 'a jun tzo'n̈ lugar. 'Ix jaw eb' sch'ox sb'a 'a yojltac Gedalías 'a Mizpa. Xlajw cha, smolb'tzan eb' yal uva, man̈x jantcoc sat 'awb'en 'ix smolb'tzej cot eb'.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Jeremías 43:5

Palta ax x'aji, a Johanán yet' eb' syajlil eb' soldado, a eb' x'i'n 'at eb' 'anma 'aj Judá chi 'a Egipto, atn eb' pucnc can 'at 'a jun tzo'n̈ nacion̈, palta tox 'ix syam sb'a eb' 'a Judá jun 'ejm xo, yic tzcanx cajn eb' ta yalni.

Jeremías 48:32

Yel xo wal niwn 'oj woc' yuj chon̈b' Sibma 'a yib'n̈ 'icha tz'aj yoc' eb' 'aj Jazer. Yujto a yawb'en uva eb', caw tzc'axw 'ec' 'a junx sc'axpil 'ec' sti a mar, masnto tzc'och 'a sti a yic Jazer. Palta ax ticnec, 'ix jaw eb' 'oj satnc 'el sat te uva cha, yet' sat jun tzo'n̈ xo 'awb'en.

Miqueas 7:1

Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Dt 1:38

A Josué win yunnal Nun, win a checab', a win 'oj 'ochx can a jeloc, yic tzyi'n b'ey jun chon̈b'al eb' 'anma tic. 'A'cn snab'enoc, yujto a 'oj 'a'noc 'och eb' et chon̈b' 'a sat lum lum cha.

Dt 16:13

A yic tzlajw e poln chan̈ smasnil e trigo cha, yic tzlajw e pitz'n can 'el eyal uva, a pax ta tze na uque c'u q'uin̈ Chinama.