Jeremías 40:1 - Chuj San Sebastian Bible

¹ 'Ix paxtin pax Jehová 'ayin, yic tox in 'ajx 'el 'a libre 'a chon̈b' Ramá yuj Nabuzaradán, win scomandanteil eb' stan̈mal win sreyl Babilonia. 'Ilchjnacn yuj Nabuzaradán to jalb'iln yet' q'uen cadena, 'ayn 'och 'a scal eb' 'anma 'aj Jerusalén yet' eb' 'aj Judá, eb' wan yijx 'at 'icha presoal 'a Babilonia.

Chuj San Mateo Bible

¹ Ix lolon Jehová d'ayin ayic toxo ix in actajel d'a Ramá yuj vin̈aj Nabuzaradán yajal d'a eb' stan̈vumal vin̈ sreyal Babilonia. Ix yil vin̈ to tzec'an in d'a q'uen cadena, ay in och d'a scal eb' aj Jerusalén yed' eb' aj Judá, eb' van yic'jib'at d'a Babilonia.

Jeremías 40:1 Iomraidhean Croise

2 Cr 16:1

A yic 36 ab'il xo yoch Asa reyal, 'ix cot Baasa sreyl chon̈b' Israel yac' owl yet' Judá. 'Ijn wal swach' b'oj 'och Baasa smuroal chon̈b' Ramá, sec wach' man̈x 'a junc mach tztac' yoch 'a yol smacb'en Judá, man̈x 'a pax mach tz'elta.

Salmos 107:16

Yujto choc' xyutj swecchtan jun tzo'n̈ puerta nab'a bronce, swecchtan pax eb' q'uen q'uen 'aych yipnub'alc jun puerta cha.

Salmos 68:6

A eb' tz'ec' sch'ocoj, a Dios tz'a'n 'aj wach' scan cajn eb'. Ax eb' tzyamchj can 'at 'icha presoal yuj owal, tzcolx 'elt eb' yu'uj, tzlajw cha, tzya'n q'ue'choc eb'. Palta ax eb' tu snab'en, a 'a lum tacn̈ lum 'oj can cajn eb'.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Jeremías 42:7

Slajn̈il xo c'u, 'ixta to b'i'an, 'ix paxtin Jehová 'ayn an Jeremías in tic.

Ez 33:21

A 'a yic o'e yoch slajn̈il 'uj yic slajchwil ab'il quijx cot 'icha presoal, ata xjaw jun winc 'ayin, xyalni to ata tzcot 'elc 'a Jerusalén, yujto satl jun chon̈b' chi yuj eb' 'ajc'ojol.

A Tas Sc'ulejnac Eb' Schecab' Jesús Hechos 21:13

Palta xyaln Pablo 'ixtc 'ayn̈ on̈: —¿Tas yuj tzex 'oq'ui? ¿Tas yuj tzeya'ch in cusc'ojlal 'ixtic? Toc 'ay yel'chi, toto tzin sjal eb'. Toxn̈ej tzin smil cham eb' 'a Jerusalén chi yuj Cajlil Jesús, 'oj wac' in b'a 'a eb', xchi 'ayn̈ on̈.

A Tas Sc'ulejnac Eb' Schecab' Jesús Hechos 28:20

Yuj cha, ex wawtn coti. Yujto tzin nib'j tzex wila, tzex in c'umn jab'oc. Yujto 'ay jun mach tan̈b'il xon sjaw cuj an̈ israel on̈c tic. Yujn̈ej to tzwa'ch in nab'en 'a jun cha, yuj cha, 'aych q'uen cadena tic 'ayin, xchi Pablo 'a eb'.

Ef 6:20

A Dios 'a'jnac wopiso waln 'el jun 'ab'x tic. Preso waj ticnec, yujto tzwal-li. Yuj cha, tzex leslwi wu'uj, sec an̈ja te'n 'oj wutc in b'a waln 'eli, 'icha tznib'ej.

Josué 18:25

Lum schac'ajil 'ay chan̈lajn̈e chon̈b' yet' yaldeail, atn eb' tic: Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús (atn Jerusalén) Gabaa yet' Quiriat. Atn jun tzo'n̈ chon̈b' tic xyique'ej eb' yin̈tl Benjamín.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.