Jeremías 4:5 - Chuj San Sebastian Bible

⁵ Alc 'el jun tzo'n̈ tic 'a eb' 'aj Judá yet' eb' 'aj Jerusalén, alc 'el yet' sjajl q'uen trompeta 'a smasnil jun nacion̈ cha. Caw 'ip eya'n 'el eyaw tzeyaln 'ixtic: ¡Coyec, qui yamc qui b'a 'a jun tzo'n̈ niwc chon̈b' caw wach' yajch smuroal! xe chi.

Chuj San Mateo Bible

⁵ Alec juntzan̈ tic d'a eb' aj Judá yed' d'a eb' aj Jerusalén: Aq'uec oc' q'uen trompeta d'a masanil chon̈ab', xe chi. Te chaan̈ tzex avaji tzeyalan icha tic: Co molb'ejec co b'a d'a yol juntzan̈ chon̈ab' vach' yaj smuroal, xe chi.

Jeremías 4:5 Iomraidhean Croise

Is 28:19

A yic 'oj jawc 'a junjn 'ejem, 'oj e jucx b'ey yu'uj, 'oj jawc 'ayx 'a junjn sq'uin̈b'ial. Sc'ual yac'wlil 'oj eyib'x can chan̈ yu'uj, yic 'oj eyab'nc yab'xil.

Jeremías 11:2

'Ab' wal tas tzyal in trato, tzlajw cha, tzaln pax 'a smasnil eb' 'aj Judá yet' pax 'a smasnil eb' cajn 'a Jerusalén.

Jeremías 35:11

Palta ax yic xjaw Nabucodonosor sreyl Babilonia wul yac' owl 'a jun qui nacion̈ tic, on̈ cot 'eloc, 'ix qui nani to wach' a 'a Jerusalén tic on̈ jawi, yujto on̈ cot 'elc 'a eb' soldado 'aj Babilonia yet' 'a eb' soldado 'aj Siria. Yuj wal cha, a 'a Jerusalén tic cajn on̈ 'eq'ui, xchi eb'.

Jeremías 5:20

'Ix yaln pax Jehová 'ixtic: Al jun tzo'n̈ tic yab' eb' yin̈tl can Jacob, atn eb' cajn 'a Judá, to an tzwal 'ixtc 'a eb':

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

Jeremías 8:14

Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Jeremías 9:12

'Ix waln 'a Jehová 'ixtic: May junc on̈ tznachj 'el cu'uj tas yuj a jun qui chon̈b' tic x'ochcn 'a cusltac lumal. Al 'ayn̈ on̈ tas yuj 'ixta 'ix 'aji, xin chi 'a 'a.

Ez 7:14

'Oj cob' 'utz'xoc q'uen trompeta yic tzya'n lista sb'a eb' winc s'at 'a owal, palta may junc mach 'oj ste'wtzoc sb'a s'at 'a owl cha, yujto an tzwa'ch syailal eb' 'anma chi smasnil yuj yowl in c'ojol.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Am 3:8

Smasnil 'anma tzxiwi, toto tz'el yaw no león. An xo, ¿tom ma'oj wal-l spaxti Jehová Cajlil, toto a tzaln 'ayin?

Nm 10:2

B'o cab' chab'oc trompeta plata tz'aji, tztenxb'o yet' martillo. A jun tzo'n̈ chi 'oj ac' 'utz'xoc yic 'oj a'nc syam sb'a eb' 'anma tic, yet' pax 'a yic tzb'eyx eb'.

Nm 10:3

A yic 'oj 'utz'xoc q'uen trompeta chi schab'il, smasnil eb' et israelal 'oj jawc eb' 'a ojltac 'a sti smacl Mantiado 'a 'aj tzin chaj in b'a eyet'oc.

Josué 10:20

Til wal eb' amorreo chi xcham yuj Josué yet' pax yuj eb' soldado israel cha. Ax eb' ma'ix cham yuj owl cha, 'ix 'at eb' scol sb'a 'a yol schon̈b' wach' yajch smuroal.