Jeremías 4:3 - Chuj San Sebastian Bible

³ Tzyaln pax Jehová 'ixtc 'a eb' 'anma 'aj Judá yet' 'a eb' 'aj Jerusalén: 'Awjec lum lum mant 'a xon 'aj tz'awxi, man̈x eyawc eyawb'en 'a scal te q'ui'ix.

Chuj San Mateo Bible

³ Syalanxi Jehová d'ayex, ex aj Judá yed' ex aj Jerusalén: Ix pitb'iel e pensar icha lum luum malaj mach smunlaj d'a sat, an̈ej te' q'uix sq'uib' d'ay. Comonoc c'un tzeyutej jab'oc e pensar yic tz'och in lolonel d'ay.

Jeremías 4:3 Iomraidhean Croise

Gn 3:18

'Oj q'uib' te q'ui'ix yet' te c'ultc 'ay sq'uixl 'a sat lum lum tic, ax a lon te 'itj 'oj pac' 'a scal te c'ultc cha.

Ex 23:11

Palta ax 'a yucl ab'il, man̈x eyawc lu'um, 'a'c 'iljoc lu'um. A smasnil tas tzq'uib' 'a sat lu'um, yic eb' meb'a tz'aji, eb' 'ayc' 'a yol e chon̈ab'. A pax jun tzo'n̈ chi 'oj sc'ux no calte'al noc'. 'Ixta pax tzeyutj te uva yet' te olivo.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 13:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'.

Mr 4:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'. Yuj cha, toxn ma'ix yac' xon jac sjolom.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.

Lc 8:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix sat 'ejm jun tzo'n̈ 'in̈t chi 'a scal te'.