Jeremías 4:29 - Chuj San Sebastian Bible

²⁹ A yic tzyab'n eb' 'anma yel yaw scot eb' soldado 'ay q'ue 'a yib'n̈ chej, yet' eb' sjul-lab', ax smasnil eb' 'anma cha, tz'at eb' 'eloc. Tz'at sc'ub'nc 'el sb'a eb' 'a 'aj caw chitc 'a calcte', yet' 'a 'aj caw satq'ue'en. Yuj cha, smasnil jun tzo'n̈ chon̈b' cha, caw sictac x'ajcn eb', man̈x 'a junc mach xcan cajn 'a eb'.

Chuj San Mateo Bible

²⁹ Ayic syab'an eb' anima yel yav eb' soldado ayq'ue d'a yib'an̈ chej yed' eb' yed'nac sjul-lab', sb'at eb' elelal, b'at sc'ub'ejel sb'a eb' d'a caltac te', sq'uecan lotzlon eb' d'a sattac q'uen tenam. Yuj chi' ix laj can tz'inan schon̈ab' eb'. Man̈xalaj mach scajnajcan d'ay.

Jeremías 4:29 Iomraidhean Croise

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

Is 6:12

An Jehová in, an 'oj wa'cn 'at eb' 'anma chi 'icha presoal 'a junc xo chon̈ab', ax scan snacion̈ eb' 'a sictaquil.

Jeremías 16:16

Palta a yic mantzac uj jun cha, 'oj wi' cot eb' 'ajc'ojl 'a eb' israel yic tzwul yamchjoc 'at eb' yuj eb'. 'Icha tzyutj eb' yamn chay syamn no chay yet' schim, mto 'icha tzyac' eb' ma'm noc' tz'ec' 'a lum tzalctac, tz'ec' saync eb' no 'a yoltc n̈aq'ue'en, yet' 'a sjatlil eb' q'uen q'ue'en, 'ixta 'oj wutc eb'.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 52:7

a eb' soldado 'aj Babilonia, 'ix yoln eb' jun oln 'a smuroal chon̈b' Jerusalén cha. Yuj cha, ax 'a 'ac'wal, 'ix 'el win rey Sedequías chi yet' eb' soldado smasnil wach'xam oyb'il jun chon̈b' chi yuj eb' soldado 'ajc'ojl cha. Ata tojl x'el'ch eb' 'a scal yawb'ente eb' rey, ax ta 'ix 'el'ch eb' 'a jun puerta 'ay 'a snan̈l chab' muro. 'Ixta 'ix 'aj eb' sc'och 'a jun b'e tz'atn̈j 'a span̈nil sti 'a Jordán.

Jeremías 6:23

Yet' eb' sjul-lab', yet' slanza, caw yel xo tu eb', man̈xtzac 'o'ch sc'ojl eb'. 'Icha sc'an̈ a mar 'ixta sc'an̈ sb'ey eb' 'ay q'ue 'a yib'n̈ chej. Lista xo yaj eb' scot wul yac' owl eyet' ex cajn ex 'a Jerusalén, xchi Dios.

Am 9:1

Ax xwilni 'ayc' Jehová 'a stz'ey jun yet'l xajmb'al, 'ix yaln 'ayn 'ixtic: Mac' wecchjoc jun tzo'n̈ yoyl watut tic, masnto tz'ib'x sjolm yoyl cha, ax yem lan̈njoc 'a yib'n̈ eb' 'anma'. Toto 'ayt eb' ma'oj chamoc, ax yet' q'uen espada 'oj wac' milxoc cham eb', wach'xam 'oj 'at eb' 'elc yalni, palta may junc mach 'oj colchjoc can 'eli.

Lc 23:30

A wal 'a jun tiempoal cha, 'oj laj yal eb' 'anma 'ixtc yuj jun tzo'n̈ witz yet' yuj jun tzo'n̈ tzalan: Comnoc 'ay tz'aj scot wacnjoc 'a quib'n̈ec, yic tzon̈ sc'ub'nec 'eli, 'oj schic eb'.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.